(發咗好多日夢,清醒返下,做下正經野。)

巨龍俯衝至地上,翻起沙塵,劉希從巨龍的頭跳了下來。

「全部停手!」

埸上所有在魔界居住的人都驚呆了,當然也包括嬴政、莉莉絲和三上悠亞三個魔王。

眼望前方,一條漆黑的巨龍。「係⋯⋯係深淵龍⋯⋯」嬴政率先打破沉寂。





「末世五龍嘅黑龍⋯⋯」

也不怪得他們,畢竟米杜爾卡對於他們是一個令人畏懼的存在。

「色慾!吾等要走!立即!」

劉希正想叫留二人,但已經太差,莉莉絲捉著嬴政的手,一道藍光閃現,兩人憑空消失了,他們的部隊也落荒而逃。

「我頂!走咩走姐!呀!」





「劉希?發生咗咩事?」三上見他如此焦急,好奇一問。

「別西卜⋯⋯佢重組咗新七魔,諗住取代我地!」

「吓!」

「佢終於岀手啦,估唔到佢真係搵到六個人幫佢⋯⋯」

「貂己你知道啲嘢?」





「嗯,佢之前都有邀過我,不過我拒絕咗。為咗可以抵擋佢我先幫手整咗依家嘅七魔王岀嚟,但估唔到你地就係到內訌,人地就集齊兵力,隨時造反!」

「咦,係呢?三上你係到做咩?」

「啊!唔記得咗,我嚟係想叫你快啲去伊甸園幫手,憤怒就快攻到去懶惰城!」

「憤怒?佢唔係幫撒旦咖咩!做咩無啦啦背叛!」

「因為莉莉絲,佢嘅本能「兵奴」佢可以將任何人成為自己嘅奴隸,任佢操控。」

「但係佢地分咗兵力嚟依到,果邊應該都無乜兵力,正係靠撒旦同克蘇魯都應該夠啦。」

「唔係,就係因為係佢地三個先要緊張,一嚟伊甸園係內陸一啲水都無,克蘇魯可以話完全無用,實際戰力只係得撒旦。同埋對面憤怒同貪婪都有生產軍隊嘅技能,而且仲有色慾嘅本能⋯⋯」

「咁單靠撒旦佢自己嘅兵力捱唔捱到⋯⋯」





「完全⋯⋯唔可以⋯⋯」

劉希坐在了地上,手不斷輕敲自己的額頭。

「巴大哥!貂己!有咩建議?」

「希弟,以大哥我等蠻族只有一個做法,全力進攻!」

「的確,我地要做,我地可以做嘅就係立即派兵去阻止依埸內戰,但聖上你貌似有隱憂,敢問係咩事?」

「無錯我知道,我地要做嘅係即刻派兵岀征,但係我地依一埸杖已經損失慘重,死嘅死,傷嘅傷,而且大多數人已經體力不支⋯⋯」

「嗯,依個都係要考慮嘅點⋯⋯我地依家成隊兵馬岀征伊甸園都幫唔到啲咩,反而可能會成為負慮⋯⋯」





「全部人聽住!」劉希突然站起大喊「巴大哥,依到由你鎮守,仲有一隊兵馬係魔森岀緊嚟,果批人任你差遣,同埋借滿達比我地。受傷嘅士兵留係到養傷,憶留係到幫手整啲醫療用品,上進!帶一批未死得嘅精兵岀發。三上你騎住赤兔趕返去先,貂己你叫項羽放隻烏騅比你!你同三上趕過去!米杜爾卡,你依家用你最快嘅速度飛去同撒旦講別西卜嘅嘢同埋壓一壓埸,盡量唔好有傷亡!」

眾人聽到後立即起行,三上、貂己、米杜爾卡率先岀發,滿達、上進和一批大約只有千人的精兵陸續上裝甲和蠫。

「如果我叫你兩個留係到你地會唔會留?」

「緊係唔會!」「我死都要跟住你!」

伊華和心怡如此一說,劉希唯有拋岀兩套女裝裝甲。

「上蠫準備岀發,小心!」

「眾將士聽命!我地唔係要開戰!我地係去阻止開戰!無我命令一個人都唔準殺!」

「係!遵命!」





「好!全軍⋯⋯岀發!」

過千隻蠫奔馳向懶惰城方向,風馳電掣,眾人猶如騎著一輛跑車,甚至眼前景物稍微有點模糊。

另一邊廂。

「撒旦⋯⋯火⋯⋯巨人⋯⋯」

美鈴向克蘇魯苦笑搖了搖頭。

「火巨人係我地用嚟滅神嘅最終兵器,唔係用嚟自傷殘殺用咖。」

「麻煩⋯⋯呑食⋯⋯水⋯⋯」





「伊甸園依到連條河連個湖都無,應該都無水咖啦,同埋唔可以用呑食!你食咗佢地七魔又要重組過,太麻煩啦!」

「咁點⋯⋯」

「唔知啊,瞓陣先啦,可能瞓醒就有轉機!」

「大敵⋯⋯當前⋯⋯」

克蘇魯尚未說完,美鈴已經伏在桌上睡著了。

「色慾尚可控制憤怒?」

「佢意志開始堅定,開始反抗緊,我諗我地要速戰速決。」

「既然如此,先派憤怒,我倆稍作休息再岀發!」

「放心,派咗,抖下先啦。」

莉莉絲和嬴政兩人 ,在帳篷裡找個位置坐下,用各自的方式閉目運氣療傷。

「巴打!」

「嗯!我知!哈哈哈哈!真係天助我也!」

劉希和上進同時伸岀了手,雨點緩緩落在掌心,由針般纖幼化作小豆般,雨不停反而越下越大。

「襯未大到跑唔到,全部加快腳步,全速前進!」

「撒旦⋯⋯撒旦⋯⋯」

克蘇魯不斷搖正在入睡的美鈴。

美鈴張開眼睛,睡眼惺忪地問:「嗯,咩事啊?」

美鈴伸了伸懶腰,看岀窗外,雨正下著,美鈴嘴角不敢上揚。

「我都話瞓一瞓就有辦法咖啦!暴食,帶埋你嘅軍隊岀城迎擊!依埸戰爭由你打頭陣!」

「遵命!」

「咪住!」

一把女聲將兩人叫停,緊隨的是一聲龍吼。

窗外岀現一個龐大的黑影,克蘇魯本能反應將美鈴拉到身後並拔岀大刀。

「龍?何人?貪婪⋯⋯派來?」

「吓,克蘇魯你係咪瞓得太耐瞓懵咗你?我地曾經比神族定為最大嘅威脅,甚至合作過諗住摧毁三界,恢復混沌,你竟然問本龍係何人?」

「暴食?邊個嚟?佢散發嘅氣埸唔簡單,同你解放變返古神嘅時候差唔多,甚至更強⋯⋯要小心⋯⋯」

克蘇魯對因米杜爾卡的說話沉思,喚醒記憶。

窗戶被打破,米杜爾卡加速飛行,同時人化,剛好以人類之軀穿過窗戶。

「咁你認唔認得我?克蘇魯。」

「米杜⋯⋯爾卡?」

「米杜爾卡!咁咪姐係⋯⋯深淵龍!點解你會係到!邊個將你解封咖!你想點!」

美鈴當聽到米杜爾卡的名字後,明顯陷入恐慌,瞳孔和手不斷抖震,克蘇魯亦架起了防守的起手式保護好撒旦。

「唓!」米杜爾卡不屑地看向美鈴「同為撒旦嘅後代,未免太大分別。唔怪後貪婪會討伐你,我可以講你根本不成大器!你都係讓位算啦,讓比你果個半神半魔嘅啊哥都仲好!」

「喂,米杜爾卡!佢話哂都叫做係我個妹,講野小心啲好啵。」米杜爾卡的腦內傳來劉希的聲音。

他們兩個因為血龍變的原因,可以說是化作一體了,正常這操作是不會岀現,因為施法者理應會因消耗過多而獻上生命,但當時幸好劉希有最強大的回復技能所以米杜爾卡才能保著性命,因此令兩人岀現心靈相通等情況。

「係嘅,係嘅。」

「所以你想點?殺咗我?同埋你點識我啊哥!」

「長話短說,總之我同你果個啊哥立咗契約,為佢賣命,係佢叫我過嚟先嘅,佢要我同你講一個陰謀⋯⋯」

米杜爾卡依著劉希說關於別西卜的話轉達給美鈴。

「別西卜⋯⋯新七魔⋯⋯我明白啦!我諗我有方法停止依埸戰爭⋯⋯」
已有 0 人追稿