［奇幻/後宮/魔法/格鬥］《三界首部曲:註定的命運》: 第41章:我做你對手！

「藍小蘭你條八婆！！！！」

在一堆傳奇、魔王在場的情況下，上進突然大喊！引致埸上全部人的目光都轉移至他身上。場上所有人，不發一言，寧靜令場面十分尷尬，上進開始感到尷尬，於是默默後站回劉希背後。

「希哥哥⋯⋯你身邊多咗好多女人⋯⋯」

藍小蘭咬牙切齒地看向伊華、貂己和米杜爾卡。突然藍小蘭臉上再度掛起她那天真可愛的微笑，現在看起來，異常恐怖。

「不過唔緊要啦，小蘭會殺哂你地，希哥哥你好快就可以返嚟小蘭身邊咖啦，唔洗好耐，希哥哥就可以同小蘭永遠一齊⋯⋯」





劉希忽然感受到一股寒意從背後傳來，令他「雞皮」都起了。

「哼？依條𡃁妹邊位啊？我有無聽錯，佢要殺我？」米杜爾卡不屑地看向藍小蘭。

「睇嚟依位就係大名鼎鼎嘅深淵龍，在下別西卜久仰你大名，相信你都係聰明人，我希望你可以嚟我依邊助我一臂之力！」

米杜爾卡正欲回答別西卜的邀請，劉希已伸岀手示意米杜爾卡不用說。

「R完我就R我啲人⋯⋯你都幾仆街咖喎，況且你講到你地咁有實力又點解要係咁R人姐，你唔夠人用你岀聲啊嘛，我豪比你。不過米杜爾卡你就唔洗諗啦，我同佢已經去到合體，二合為一嘅纏綿關係，所以你R唔郁咖啦，可？米卡。」





劉希眼神不忘偶爾略過藍小蘭像刻意說給他聽，戰場心理學，在對戰中除了實力心理亦很重要，若果不夠冷靜，被仇恨、憤怒等蒙閉雙眼，便會容易岀錯，而對手一但捉到你的失誤，那怕實力不如你，亦有很大機會戰勝。

因此劉希才岀口術，嘗試騷擾對方情緒。

「緊係啦，希～」米杜爾卡因她與劉希之間的連繫，清楚明白劉希想做甚麼，所以抱著劉希妖魅地道。

「合體⋯⋯二合為人⋯⋯你個淫婦同希哥哥做過啲咩！！」

「做過啲你無得同佢做嘅嘢囉，希佢係果方面真係好勁咖，我都唔知抖咗幾耐。」米杜爾卡一臉滿足地說。





「淫婦！淫婦！竟然敢沾污我希哥哥！我要殺咗你！！！」

「嫉妒！冷靜！唔好中計！」

當然地，像別西卜這種久經沙場，見慣大場面的老將，只是少少口術又怎會被擾亂。

「對唔住別西卜大人，我會注意返。」

口這樣說，但其實小蘭的內心波動仍然很大，但內心波動大的又豈只她，克蘇魯和黑鬍子，兩人不發一聲卻帶著無比恨意死盯對方。而且在場有不少人心中都帶著恐懼。

若要數最冷靜的便是別西卜、阿斯莫德、薩麥爾、貂己、米杜爾卡和劉希。他們大多能保持冷靜的原因皆是經歷過無數戰爭，甚至參與過三界大戰，但劉希呢？

他只是單純地過份傲慢，覺得以自己的實力根本完全不用害怕，所以才能保持冷靜。

「別西卜叔叔！你一定要咁做？」美鈴終於開腔。





「無錯，其實大家係得魔界都係自己人，非必要我都唔想有傷亡，但係你爺爺嘅時代已經完咗，由你啊媽開始，魔族就開始末落，甚至仲要同神族談和。魔族再咁落去只會滅亡，而交七魔之首嘅位比你嘅話，魔族一定好快就會滅亡，所以我決定企岀嚟，做大家嘅救世主，將魔族帶返去最輝煌嘅時期！所以只要你地願意投降加入我地，我就唔會開依一埸戰爭，依到唔會有人受到傷害！」

「依個套路有無再老套啲啊？」劉希嘴角上揚不屑道「明明就奸角，但係就用一啲好似好啱嘅所謂道理將自己嘅自私、歪理包裝成天公地道，自己係正義超人咁。」

「劉希！你咁講咩意思？唔通你覺得依個撒旦係一個賢王？」

「我無講過我覺，但係點解有咁多方法你唔用，你要選擇另起爐灶，起一場革命，點解唔選擇留係撒旦身邊陪養佢成為一個賢王？你根本就係自私！你根本就係想做王！同埋如果你話帶善意咁依樣點解釋！」

劉希一手拉開美鈴，眾人看著他一掌打向空氣，但卻有一聲慘叫，最後眾人看見一個小丑坐在了地上，這才驚覺原來瑪門早已混入他們當中。

但其實發現的不只劉希一人，還有和他一樣五感被增強的心怡，不過心怡因為沒有戰鬥能力，所以選擇相信劉希是知道的。

瑪門想暗殺美鈴的陰謀被悉穿，別西卜尷尬地沉默了一會，且同時對劉希另眼相看。





「依個純屬意外，係瑪門自己嘅行動，並唔係我嘅意思，成件事我係唔知情咖！」

別西卜立即和瑪門理清關係。

「但係佢係你嘅人嚟咖喎！」

「依樣⋯⋯」

「操你娘！說多無謂，別再浪費朕的時間！」

「哎，無辦法果然都係直接打最實際！」

「認同⋯⋯」

「啊！打就打啦！！！」





「咁我地點啊，撒旦？」

眾人備起武器，就等待撒旦一聲令下。

「各位，為咗未來，殺啊！！！」

想不到薩麥爾竟先發制人率先進攻，其餘革命者聯盟亦跟隨其後。

「頂你個肺！死就死啦！」

藍小蘭第一目標當然是劉希，所以攻向劉希，但卻不帶任何武器。

「頂！咪阻住我！」





劉希一躍跳過藍小蘭，尚未落地便先落在龍化的米杜爾卡上。劉希連同米杜爾卡直衝向前方，那一堆蒼蠅。

「別西卜！你嘅對手係我！！」