(27)
 
一個50公尺長的標準游泳池。
 
我們站在泳池頭,距離池邊八米左右。
 
夜風輕輕吹拂著阿青的馬尾髮,她朗聲對我們說:「係星光層,我哋係可以做出一啲反視物理法則嘅特技,例如係『跳躍力增幅』,依個泳池長50公尺,一般新兵稍為練習後都可以跳得過,我而家示範一次,然後到你哋做。」
 
阿青遙望泳池的盡頭,輕鬆彈跳幾下,「關鍵係,喺跳之前已經預視到自己已成功到達目的地嘅畫面。」
 




她只用了六米助跑。
 
碰!
 
在米色的防滑階磚上一踏步,阿青以超人般的姿態輕鬆跳過了50公尺的游泳池!
 
平穩著地。
 
我跟迦南的嘴巴瞬間變成了O形,詫異又震驚。
 




迦南向阿Moon發問:「咁我又想知,如果我跌咗落水會唔會醒架?」
 
阿Moon微笑著搖搖頭,「連接器有穩定星光體嘅功能,即使你哋畀人打中幾槍都唔會醒,但如果受到致命嘅重傷,例如頭部或心臟中槍,失血過多……星光體嚴重受損會導致靈魂撕裂,咁就有機會……永遠都醒唔到。」
 
「handler應該係會知道我哋星光體受傷嘅情況?」我問。
 
「係呀,現實世界連接器嗰度係會有幾盞小燈㗎,一閃起紅燈,就代表個位隊員受傷……例如頭先迦南受咗七下刀斬,紅燈就會閃七次。」阿Moon不同於阿青,她說話時往往是有「尾音」的。
 
這時,阿青走了過來,「Gabriel你試先,畀大家睇下The ONE嘅實力。」
 




我站在池邊九米外,深呼吸——我同自己講,我得嘅!
 
助跑、踏步、我一躍而起。
 
半空中,我為著自己的跳躍力感到詫異。
 
然後,水花濺起,我在25公尺處利落插水。
 
結果是——
 
我在插水五次後,終於成功到達50公尺的目標。
 
而迦南只是落水兩次,就成功了。
 
阿青說,這是跟想像力有關,想像力越好,就越容易在星光層成功顯化實相。




 

 
我倆換上乾的衣服,在更衣室裏走出來。
 
剛好在池邊看到阿青修長的背影。
 
我的身體如遭電擊。
 
我在迦南面前呆住了,雙手停下了用大毛巾擦頭髮的動作,喃喃自語:「依個背影……我好似係邊度見過?」
 
肯定不是在基地,因為我和迦南今天才第一次見到阿青。
 
奇怪,感覺像是很重要的事……卻怎樣也想不起來。
 




真令人困惑。
 
「其實……我一直都覺得阿青佢好有親切感,我覺得佢係……」迦南遙望著她,嘆息一聲,「算啦,都係冇可能,係我諗多咗。」
 
我看著迦南微濕的前額髮和悲傷的神情。
 
「應該……只係我太掛住佢……」
 
迦南在回程時,輕輕的說。
 

 
我張開雙眼,頭有點痛。
 
我們在工程車裡醒了過來,伸手把金屬貼摘下。




 
看一看手錶——我們在星光層逗留了差不多十二小時,但現實只是過了一小時。
 
看出窗外,仍是清晨景色。
 
夢境裏的一小時相等於現實中的五分鐘。
 

 
回到基地分析大廳,歡樂的氛圍抱擁著現場十多個人。
 
生哥走過來搭著我的肩,跟我和迦南說:「你哋返得嚟啱啦,隊長而家要同大家宣布個好消息。」
 
只見隊長拿著一張紙,站在大螢幕前環視四周,微微笑著,看看阿青兩姊妹,又看看生哥夫婦,「好,睇嚟齊人喇!今日我地之所以可以得到依個好消息,全靠阿鍶嘅功勞,佢喺今日成功hack左入NSA嘅伺服器,而且只係花費左七分鐘,大家畀啲掌聲佢先!」
 




全場掌聲雷動。
 
阿鍶坐在她的專屬電腦椅,雙手放頭後,一派輕鬆自在的樣子,「嗯,基本禮貌嚟啫。」
 
隊長在智能手錶按了一下,大螢幕上顯示一份電子文件,「喺依次hacking,我哋得到兩個情報,第一,原來NSA係有技術可以攔截喺外太空嚟嘅訊息,然後加以修改,第二,我哋成功攞到獅人國原本要傳比Arherb嘅訊息……」
 
有著一頭棕色蓬鬆髮的Arherb,其貓科動物的雙眼亮了起來,顯得又驚又喜。
 
隊長照著紙讀:「個內容大意係,其實獅人國議會根本就無怪罪Arherb,佢哋認為攻擊事件完全係意料之外嘅事,Arherb身為國家護衛已經盡咗佢嘅本份,獅人國作戰指揮部嘅飛船嘗試過幾次想降落行星地球尋找Arherb,但因為帷幕嘅阻礙而沒法成功……我哋RM已經透過特別管道聯絡左獅人國個邊,Arherb嘅正確位置,而最後我哋計算到,係二十日後亞洲區會有一個月蝕星門通道打開,到時佢哋嘅飛船會有大約兩分鐘嘅時間停留在地表,接Arherb返去故鄉。」
 
聽到這個好消息,大夥兒歡呼著,都替隊友Arherb感到開心——
 
「好!」齊齊鼓掌。
 
「大家最想見到嘅畫面!」
 
小綠走過去跟Arherb擁抱,很歡欣的畫面。
 
「Arherb即刻感動落淚。」文輝。
 
「冇呀、冇呀……喎吹沙入眼之嘛。」Arherb別過頭去,擦一擦眼淚。
 
「又傲嬌喇。」
 
阿Moon走近來,跟我說:「你睇文輝同Arherb雖然好似成日鬥嘴咁,但其實佢哋嘅感情係好好㗎~係Team A差唔多兩年,可以講係出生入死嘅戰友。」
 
我看著文輝,他的眼淚在眼眶裡打轉。
 
Arherb雖然極少提起自己掛念故鄉的事,但事實是怎樣,大家都心裏明白。
 
RM眾成員逐一跟Arherb道賀。
 
生哥夫婦看著眼前美好的畫面,哭了又笑。
 

 
過了幾天。
 
2009年,冬,一個帶著寒意的黃昏。
 
我、迦南、灰褲生哥與善兒正在光室用立體投影技術打羽毛球時,我們三位光戰士的手錶同時收到兩段訊息——
 
「集合,大廳」
 
「對外通訊功能已關閉」
 
灰褲生哥看到第二段訊息時,神色有點凝重,「睇嚟係有行動,好可能我哋今晚就要出發去台灣。」
 
「提早咗?」迦南有點詫異,手中球拍垂下。
 

 
大夥兒都聚集在分析大廳。
 
荃灣基地兩個作戰小隊都到齊了——
 
Team A:隊長、生哥、文輝、Arherb、我、迦南。
 
Team B:阿青、小綠、阿Moon、阿俊、阿德。
 
除了隊長外,基地裡的前線與後勤人員排成一行,逐一把身上的非RM通訊裝置放在一個布袋裏,馬高握著一個長型的檢測機器由頭到腳掃過每一個人的身體,確保眾人沒有其他通訊裝置。
 
迦南、文輝等人都把手機扔進布袋裏。
 
我知道,這些都是進行特別任務前的保密功夫,以防止人對外洩露行動的時間與地點。
 
「隊長,齊人!」馬高對站於大螢幕前的隊長高聲說。
 
隊長已換上一身帥氣的黑色RM作戰裝束,他朗聲對大夥兒說:「我哋今晚有行動,麻煩大家由呢一秒開始停止所有對外通訊。」
 
「今晚我哋嘅目標喺台南玉山星光層嘅帷幕控制大樓,」投影片置換,隊長於高處環視眾人,「依棟大樓樓高三層,有接近八千年歷史,期間翻新同upgrade過三次,控制大樓嘅作用係強化亞洲區嘅帷幕系統同偵察附近嘅光之飛船,之前獅人國嘅飛船好可能就係畀呢棟大樓偵測到……情報顯示大樓前方係一個大型停機坪,圍牆四米高,大樓地面係小蜥蝪警衛室、軍火庫等設施,一樓同二樓係未知,但估計二樓就會係量子電腦控制室嘅所在,即係我地要攻佔同炸毀嘅地方……」
 
我們十位Lightwarriors連同後勤阿鍶都聚精會神的聽著。
 
「有冇問題?冇問題就拎齊裝備,草地集合。」
 

 
我們來到位於基地東面的大草地。
 
眼前矗立著超過五十個灰白色的大墓碑。
 
最近我與隊長的是——
 
一位叫Annie Lau的Resistance agent、一位鄭姓的Lightwarrior、迦南的守護者Lightwarrior阿凌。
 
我們十一位Lightwarriors排成一行,向一眾往生者微微低首,右手輕按心臟位置,以表示由衷的敬意。
 
我瞥見,隊長在看鄭姓男人的墓碑時,眼睛裏滿是憂傷與內疚。
 
迦南回憶起與同學阿凌的點點滴滴,也是百般滋味在心頭。
 
兩姊妹之前還約定了要去葵涌買衣服呢……
 

 
位於基地北面的停機坪有兩艘電引力飛船。
 
都是深灰色,高科技流線外型,具隱形功能,最高載客量為七人。
 
Team A與Team B各用一艘。
 
我們一眾光戰士們個個精神抖擻,整裝待發——
 
上船。
 
 
(NEXT:2月8)
 
-願聖光一直與你同在。