《星際》關於外星人、星際飛船、影子政府嘅一切真相: 02
好不容易，我以拳與盾擊倒三人，尚有四、五人在包圍我。
少年駕駛者與同伴一左一右的把昏迷的迦南抬走。
情急下，我拔出腰間的飛刀，向少年的背部猛擲！
破風之聲——
噹！
一名老大模樣的疤臉男以木棍截擊我的飛刀！
——可惡……而家好後悔今日淨係帶咗一柄飛刀出嚟。
他的兩位手下來勢洶洶，以警棍擊向我頭部，我側身避開再順勢踢頭、以星力擊出一拳。
兩人被擊暈的同時，疤臉男的木棍已經重重擊中我頸動脈位置，血流被截，劇痛下我感到一陣暈眩，他順勢揮出一記左勾拳，我矮身避開，深呼吸，同時以詠春手法使出連環衝拳。
碰碰碰、碰碰碰碰碰碰碰碰！
其胸骨、咽喉、額頭、太陽穴連環受到重擊！
胸骨裂開的聲音。
——居然，仲未瞓低！？
遠方的迦南已經被拋進車裡，我非常焦急。
木棍又向我天靈蓋猛力擊來！我左手又生出藍電圓盾，給他最後一擊——
碰！
木棍被擊開，而且圓盾正中他頭部！他倒退十步，跌倒在地，鼻血直流。
他惡狠狠的吐出一顆帶血的牙齒，「算啦！任務完成，我哋走！」他與其餘的手下立即登上客貨車。
「唔好走呀！還返迦南比我！！」
客貨車還未關好門，就已立即開出，打算揚長而去。
援兵未至，情急下，我以左手發動星際之力吸附著汽車——我只有左手能產生出這種奇異能量。
以前戰鬥時，我向來只能以這種電磁力吸附一些小物件……吸附這樣大型的金屬物件我還是頭一次。
只是發動了大約四秒，我就已經開始頭痛、流鼻血。
但我死也不會放手。
客貨車司機緊踏油門，再一次加速，但在我星力的操控下，只能龜速前進。
四個車輪不斷在道路上磨擦生出火花，一陣橡膠味。
我吃力地踏前兩步。
我一定、一定要救她。
一些關於我跟她的前世片段，又在腦海中浮現。
我繼續舉起左手；客貨車繼續加速。
為了迦南，我死也不會放手！
我的耳朵開始有液體流出，視野越來越模糊，想嘔吐……
鼻血流過我的嘴唇、不斷滴在地上。
——就咁樣堅持住，拉開車門……將佢救返出嚟。
然而……
疤面男突然拉開左側車窗，伸出頭來，連同一柄碳纖維手槍。
槍口對牢我，他扳下保險掣。
砰！
我心臟位置受到一下猛烈衝擊，整個人不由自主的向後軟倒。
後腦著地，然後……
我完全昏迷過去。
.
到我悠悠醒來之時，第一個感覺是——口腔非常非常的乾。
我想，是因為失血過多？
我呆呆望著天花板的白光管。
胸口仍然很痛，子彈打中肺部了？造成了大量出血？
這裏應該是基地的醫療室，誰救了我？
現在什麼時候了？我昏迷了多久？我要快點起來……
我吃力地撐起上半身來，立即就扯痛了胸口的傷口，中槍傷口上的繃帶與紗布又立即染紅了。
「啊！Gabriel，你唔可以咁快起身住！」剛進來的女護士驚呼。
我現在的意識仍然相當模糊，但仍勉強認得到她：「康兒姑娘……？」 我坐了起來。
頭暈越來越厲害，果然不能勉強……我又一頭倒在了床上……
不知睡了多久，到我再次醒來的時候，我發現自己流淚了。
——佢哋最後都係搶走咗迦南……
.
後來，隊長跟女醫生幫我坐直身來。
「Gabriel，我知道你而家好想救返迦南，但而家你唔可以心急……」隊長憂心的看著我，「你流咗好多好多血，當阿鍶同梓靈搵到你嘅時候，你係幾乎死……」
陳隊長是個成熟高壯的男人，剛毅的雙目，直挺的鼻樑，氣質非凡，英氣逼人——他是這個基地的領袖。
旁邊的Dr. K，則是個戴著幼框名牌眼鏡的成熟女性，有著一張溫柔的臉。
她說：「粒子彈係心臟邊擦過，卡咗喺肺部同胰臟之間，粒子彈係好難拎返出嚟……喺手術過程我哋一共同你輸咗三包血，先可以拎返個彈頭出嚟，你而家同我繼續休息，過多24小時先可以落床，知道嗎？」她稍為提高了聲線。
我點點頭，心情仍然沉重、不安。
我突然間想起一事：「我記得佢哋嘅車牌！車牌係ＢＦ５４……仲有、仲有、尾數好似係……９……」
「唔緊要……阿鍶當晚已經即刻ｈａｃｋ左入政府道路監察系統、加上我哋嘅衛星，追蹤嗰架車，可惜去到上水附近就跟甩咗，我哋猜測佢哋已經換咗車……」
我回憶，「現場……應該有四個人畀我打暈咗……」
「兩個逃跑咗，有兩個走唔到嘅，即場服毒自殺。」
Dr. K推一推眼鏡：「驗過屍無發現，十指指紋全部燒爛曬，全部牙齒被故意磨平……當然，身上冇任何身份證明文件，即係完全唔會查到佢姓甚名誰、來自咩組織。」
「做到咁嘅地步……幕後者應該畀咗好多安家費佢哋……我覺得會係暗天皇做。」
「我都覺，佢０９年、１１年兩次想劫走迦南都唔成功。」
我突然又想起一件事：「啊！嗰個大佬樣嘅刀疤面，我錄咗佢音！」
.
基地分析大廳內，分析員阿鍶以眼前的透明平板電腦與鍵盤進行比對分析。
「算啦！任務完成，我哋走！」——就是這一句。
我已經將他的特徵告訴阿鍶——「佢係光頭，右眼皮下方有一個四寸長嘅淡色刀疤，身高１７５左右。」
聲線加上面部特徵，可以查出許多東西。
超級電腦飛快運作……過了大約兩分鐘，結果出爐。
大螢幕上顯示著這個三合會成員的個人資料，我們幾位光戰士都在看著。
王國健，綽號「炮仗」，曾經於香港犯下多宗械劫案，現為通緝犯
隸屬組織：元朗區最大的三合會社團，進和
三大坐館之一
名下有四輛汽車
他的外表有點像泰國人。
「係大埔捉人點解會搵元朗嘅黑社會？」 我摸著下巴說。
阿鍶點點頭，「咁我哋嘅搜索範圍可以收窄好多。」
-
追稿/留言是鼓勵 :)