《有否想過，這個世界只有你一個是真正的人類？》: (十五)共通之處

(二十四)
連的士司機的家人也一樣，若不計算阿賢、小玲、惡霸這三個發生巨變那刻不在家的人，即是說我們所有人的家人都是靜止不動的！

到底為什麼?

我立即說：「我發現左一樣野，但係我唔知係咪巧合，當出面所有人好似你地所講唔知咩『群體』咩『規律』個陣，我地既屋企人全部都係靜止唔郁架！佢地無跟住失常人既動作一齊襲擊我地！」

大家想了一想，隨即譁然。

阿偉：「係喎，點解我唸唔到既呢。」





小玲接著話：「咁即係更加可以推測到，成件事唔係病毒爆發所引致，我地既生存並唔係偶然，亦唔係好彩先無變異，而係我地更加似被選中既生還者...背後指使成件事既人有心唔想我地死，如果唔係我地既屋企人大可以一早變成個啲『四腳人』，係我地唔為意既時候已經殺死左我地。」

阿偉擺出一副思考的表情說：「但係動機係咩呢？我地有咩共通點令背後指使既人唔殺我地，或者將我地變種？」

另一邊廂，我一直注視著阿賢，總覺得他哪裡不妥，

是生病了嗎？

以他的性格應該一定會大聲地發表他粗俗的言論，例如「我屌你老母邊個咁撚得閒玩尻我呀仆街！」諸如此類的話。





可是這刻，

在他身旁的阿均，她的臉比阿賢更青，嘴唇白得像紙張一樣。

我看不順眼，問道：「阿均？你無事呀嘛？做咩啲面色咁難睇架，唔舒服？」

阿均回答：「唔係呀，無野呀...」

我追問：「你講啦阿均，到底咩事姐？」





她用雙手閉上耳朵，急躁地說：「唔知呀我唔知呀！你地唔好再問啦！」

有古怪，一定有古怪！

突然阿偉捉實她的手，以溫柔的語氣向她說：「均，阿均呀，唔洗驚架，你同我地講啦，我地呢度全部都係正常人，唔會害你架。」

阿均的表情漸漸鬆弛起來。

阿偉，想不到你學業成績出眾，連哄女生的能力也非泛泛之輩啊！

阿均皺著眉頭說：「我想問下在坐咁多位，你地係咪都有過一個唸法，就係覺得呢個世界，就只有自己係一個真正既人類...？」

...





......

聽見如此的一句說話，我們八人先是面面相覷，然後各人都渾身不斷抖震，擺出一張張崩潰的臉，我體內湧起的那股涼意，讓我坐也坐不穩，跌倒在地....