當我醒來,周圍漆黑一片,伸手不見五指,我被綁在類似凳子的東西,只有纏繞身上的繩子在發光:「喂!有無人答我!呢度係邊度啊!」


漆黑的周圍,我只能聽到自己的回音。


突然想起我是給可愛的女生帶到這裡:「喂!靚女!你係邊啊?呢度究竟係咩嘢地方啊!」


突然一道強光打在我臉上,讓我雙眼感到刺痛,我立刻閉上眼睛。






「喂,你醒啦。」一個少女站在我面前,挺著她巨大的胸部。


她不是剛才那個女生,她比那個女生高大的多,胸部,當然也比剛才那個大。


她察覺到我在看她的胸部,立刻給了我一個響亮的巴掌,啪!我的右臉瞬間發熱。






「喂!打我做乜啊!痛㗎!」我在凳子上掙扎著說。


「亂咁望!抵打啦!快啲講,你同個男人係乜嘢關係?點解佢要殺你?」高大的少女雙眼狠狠的盯死我。


我欲哭無淚:「我唔知啊!我路過買飯食㗎!我唔識佢㗎!」






「買飯食?個條路平時點會有人行啊!而且附近都無餐廳同士多!如果唔係以沫咁啱係附近經過!」高大的少女朝我胸口踢了一腳。


「大俠⋯饒命啊⋯大俠⋯我真係唔識個男人㗎⋯我真係去買飯食㗎⋯」我用盡全力逼出一滴淚水,證明我是無辜的。


「仲扮嘢!」高大少女舉起手,準備給我吃一拳,突然有個人抱著她,讓她停止下來。


「凌月姐姐,唔好打啦,佢可能真係唔知發生乜嘢事㗎⋯」抱她的人是今天救了我的可愛女生。


「喂!快啲放左我,我媽好錫我㗎!如果佢夜晚唔見個仔返屋企,佢一定會報警㗎!」






高大少女生氣的再踢我一腳,這一腳把我和凳子一起踢倒在地上,疼死我了⋯


「快啲叫阿晴過嚟,洗走佢今日既記憶佢。」高大少女說完便走出門外,剩下我和可愛的少女在房間裡。


「對唔住啊,不過好快就無事既啦。」可愛少女伸出手掌對著我肚子,手掌再次發出微光,我肚子的疼痛慢慢消失。


「佢啱啱話咩洗我記憶啊⋯」


「哦⋯因為魔法唔可以俾普通人知⋯所以我地唔可以俾你留住今日既記憶,好對唔住⋯好對唔住⋯」可愛少女不斷的跟我道歉。






「我嚟啦!」房間的燈終於亮起,門口站著一位二十多歲的女人,穿著一身白袍,好像醫生一樣。


「以沫,企係一邊先,我要幫佢洗走記憶。」那個女人說完,便展開雙手,手指壓在我的太陽穴上。


此時我感到有一股力量從她的手指傳送到我的腦袋裡,讓我看回今天所發生的事情,突然,她手指離開我的太陽穴。


白袍女人搖搖頭說:「唔得,我洗唔走佢啲記憶,有魔法係到保護咁佢,一定要交去總部先可以洗得走,但總部最勁既心靈法師呢幾日唔係香港⋯」


我沒有聽錯吧,我有魔法保護自己?






「佢唔係普通人咩?佢點解會有魔法保護咁佢?」可愛少女一臉疑惑看著白袍女人。


「咁點啊?唔通就咁放佢走?」高大少女再次回到房間裡。


白袍女人說:「一係監禁佢到法師返嚟,一係就監視佢一舉一動。」


「我媽一定會報警㗎!我媽一定會⋯」我還沒說完,被高大少女連續打了幾拳。



於是⋯⋯







高大少女和可愛少女來到我家,說要監視我幾天,等到她們所說的法師回來香港。


「我同你講啊!如果你夠膽夜晚入嚟襲擊我地,對我地做出淫褻既事!我保證你死無全屍!」高大少女指著我說。


「唔好意思,凌月姐姐雖然好惡,但佢心底好好㗎,我地識左咁耐都唔知你叫咩名,我叫王以沫,佢叫凌月,你叫咩名啊?」


可愛少女的名字叫以沫,真的很好聽。


「我叫張家浩,家庭個家,浩然個浩。」在我自我介紹的時候,凌月白了我一眼,她到底有多恨我⋯


門口傳來腳步聲,完了⋯我忘記我媽⋯


我媽一進來看到我們三個人在客廳上,她就呆若木雞站在門口,沒有表情、沒有說話,我們三個被我媽嚇到也不知道該說什麼。


「媽⋯」


我媽突然露出笑容:「仔啊,做乜叫兩個女同學嚟屋企唔打電話俾阿媽啊,阿媽買既餸唔夠四個人食㗎。」


「你好啊,伯母。」以沫溫柔的和我媽打招呼。


「伯母你好。」連凌月這位惡女生也和我媽溫柔的打招呼。


「四個人真係唔夠食,你地同浩仔係度睇下電視先,阿姨去街市買多幾個餸返嚟。」媽走向門口。


「唔洗啦伯母。」以沫站起來說。


「媽⋯求其煮幾個餸菜就得啦,唔洗特登出去買。」


「浩仔,難得有朋友仔嚟你屋企,點可以咁失禮呢。」我媽說完便閂上門。


⋯⋯


「唔好意思⋯我媽見我第一次帶朋友嚟,所以興奮左啲⋯」


「你慳啲啦!我地係監視你幾日,並唔係你既朋友!」凌月說完又白了我一眼。


「喂,以沫,點解你地識魔法既?你地究竟識乜嘢魔法啊?」


凌月白了我一眼說:「依家同你講乜都無用,反正過幾日你就唔記得曬所有嘢。」


「凌月姐姐⋯」


她還是這麼跩。


「喂!個位著白袍既小姐話我有魔法保護,又係乜嘢回事?」


「佢只不過唔想用魔力洗你個腦先求其吹出嚟,用一次洗記憶魔法需要用佢幾日時間恢復,你依種廢柴係唔會識魔法既啦!」凌月惡恨恨的盯著我說。
已有 0 人追稿