聖嗜殺書院: 第十一章：身世

嗰一年嘅中五，成為我人生中最難忘嘅事情……
《聖嗜殺書院》#嗜殺書院11
第十一章： 身世
=============================================
「妳個賤人！係妳殺左我阿爸㗎！！」我將刀一下一下咁插入佢心口到，甚麼
道德、罪名，都不比我當刻嘅怒火重要。係，「妳」就係我阿媽。
我阿媽佢將我阿爸毒死，再呃我係病死，呃左十幾年，為嘅只係可以攞我阿爸啲
錢，同佢講嘅所謂青梅竹馬結婚。當然，我都會比人殺，只不過我先下手啫。
後來我報左警，我係報警之前將現場整到係誤殺一樣，逃過左終身監禁，當年
我得十八歲。我係監獄入面讀左個化學學位，又係裏面識到啲人。




出到嚟，咩住個曾入獄人士嘅身份出嚟，咩都做唔到，好彩有人（當然係監獄
裏面認識）幫我搭到路，去左學德文，2年之後去左德國發展，當年東西德統一
。
我以為我人生可以重新再嚟過，但結果往往出人意料。
可能因為我係亞洲人，嗰邊嘅老闆（當時我係一間藥廠幫手做研發）對我多番
打壓，同事雖然好想幫我抱不平，但都無能為力。有一次，我怒不可遏，一下
打到個老闆重傷，我再一次入監獄。
幾年之後出到嚟，同係香港一樣，生不如死。但就係呢個時候，我遇到一個人
，佢好好人，佢請我去幫佢做科研，做左十年到我回流番香港。香港變左好多，
睇錢睇重左，我開左間科技公司，但因為其他競爭對手耍手段，間嘢一年就執




左。因為呢件事令我好憎呢個社會，好想恨恨報復一番，我要人人都唔可以活
在快樂之中。
呢個時候，我見到契機:新日耳曼聯盟
聽講佢地會聯同其他唔同國家嘅政府發動第三次大戰，我隨即返回德國，以德
國公民嘅身份加入，我嘅新生命從此開始。
當時呢個組織已經慢慢滲入中港等地，由於實力過強，連中共都不敢招惹，爽
快交出人質了事。每一個地區都有一個人負責人質，而香港，就係我。
我以地方官身份做校長、策劃呢場屠殺，目的係彌補自己童年嘅陰影。
我要每個人都要好似我咁，活係殘酷嘅現實之中，任人魚肉。
===============================





「 我嘅經歷就聽完啦，哈哈哈……」一陣陰森嘅笑聲係我耳邊徘徊，係校長把
聲。
突然房間嘅燈全部被打開，令我嘅雙眼感到不適，《黑色星期天》再次奏起。
「點阿，故事好唔好聽呀？」校長從房間嘅另一道門走出嚟
「你到底想點……」我帶住疲倦嘅身軀問，頭異常地痛
「我知你有好多嘢問……我大把時間，不過時限半個鍾，要問就快啦，生死只
在一線之間啊。」
「我啲朋友」「去左邊？」
（待續）