香港殺入世界盃（尼馬故外傳）: 第三章

3） 近年成績有所提升，香港隊大部份國際賽事均吸引上萬名觀眾入場。今晚對手是中國隊，大球場更加坐無虛席。


「頭兩場踢得好，但我地既目標不止於此。」港隊教練積甸拿克說。
「贏唔到比賽係冇意思，無論對手係邊隊，我地既目標只有一個－三分！」


六年前打入亞洲盃的骨幹依然在陣。我年資長地位高，領隊一直有意將隊長臂章交給我，我卻斷然拒絕。理由是，當年我以空降形式加入代表隊，並不希望打斷球隊的食物鏈。因此，多年來的隊長一職也由超過十五年資歷的李翰林擔任。

至於一眾U-21球員，正選掛帥的有前鋒德仔，聯同包括發仔的另外三名黃大仙年輕球員，上演新香港大球場的首秀。





藉著主場之利，積甸拿克教練繼續沿用高壓迫戰術，上半場與技術較好的中國隊打成均勢，互無紀錄。

下半場，教練開始「㩒掣」，以兩名黃大仙年輕球員入替，分別為司職中場自由人的劉尚發（發仔）及右翼的胡仲光（光仔）。


「改變踢法，加快節奏！」
「收到！」






我在場上指揮一眾年輕球員走位。速度較高的光仔入替後，側擊速度將被加快，我則轉移到中路，負責策動。

中路組織人這個位置，是我在皇家畢迪斯領悟的。隨著年紀漸大速度下降，我逐漸轉型，學著舊隊友﹑球王傑高（飛兒）般轉任中場。

變陣出擊，使德仔的空間更多。


「光仔，中間！」






我發號司令，向在右路開始盤扭的光仔要球。光仔作勢傳球給我，卻一下假身騙過中國的左後衛，正是賽前演練過的聲東擊西之法。


「拎波呀！」


向前多推十碼，光仔將皮球送到中路，隊長李翰林現身拿球，背向對方守衛。


「翰林！」


翰林腳尖一篤，我借機壓上順勢拿球，看準中國守衛之間的隙縫左腳一彈，德仔猶如長了後眼般，伺機起動。
 
 




啪！



德仔右腳腳面一拉，皮球應聲破網，全場瞬即陷入瘋狂。

這個入球不但為香港打開勝利之門，更為被中國壓迫多年的香港人民狠狠出了口烏氣！



嗶～嗶～嗶～～～


香港1－0中國FT








球賽結束，球迷的情緒被推至高峰。一向寡言沉默的德仔成為民族英雄，亦露出罕見的笑容。

積甸拿克領隊賽後除了鼓勵球員，更提醒我們避免被勝利充昏頭腦。四天之後，還有另一場重要的硬仗等著我們。

這場硬仗，在日本的東京舉行。


－－－－－－－－－－


「我返黎了。」
「返黎啦？過黎飲碗湯先啦。」






和媽媽一個擁抱，一個尋常比賽後的夜晚。此時的德仔，卻於世界盃賽場上一箭定江山打敗中國，成為香港無人不識的英雄人物。


「聽日就要飛日本？」媽媽問。
「後日朝早。」德仔道。
「但聽日要返總部開會。」
「真係辛苦，岩岩比完賽都冇假放。」
「領隊都係想做足賽前準備。」
「你識諗就好了。年輕人，要學會吃苦。」
「嗯……」


一口暖湯下肚，德仔又道：





「媽媽，Gary話……去到日本，會介紹一個人俾我識。」
「介紹一個人俾你識？女仔？」媽媽笑道。


德仔搖搖頭：
「我諗唔係。」
「傻仔，同你講笑都認真。」


媽媽笑著擰擰德仔臉頰。兒子已經十八歲，但媽媽待他仍如小孩一樣。


「呢個人係邊個？」
「我都唔知，但Gary話，佢會改變我既足球道路。」
「改變你既道路……嗯……」媽媽彷彿明白了什麼。
「仔，如果你真係要離開香港，唔可以成日依賴媽媽，要學懂照顧自己，知道嗎？」
「無論去到邊，我都唔離開你。」對著母親，德仔方會真情流露。
「你十八歲架啦！仲好似細路仔咁……」媽媽笑說。
「人大左，始終要走自己既路。你細個已經冇左爸爸，更加要學識自立。」


德仔點點頭，腦裡思潮起伏。

一鳴驚人之後，足球之路該怎麼走？