香港殺入世界盃（尼馬故外傳）: 第二十一章

21）德仔站在三閘線上，等待著阿曼的角球變為香港的反擊。


「阿曼開出角球…」
「喝！」
 
 
人算不如天算，率先升高搶點的，是阿曼球員。






啪！


阿曼後防大將艾哈達利銅頭一搖，皮球直飛死角入網，眾人目定口呆！



阿曼1－1香港







 
「yeah！」主隊追和，場內氣氛瞬即高漲。艱辛取得的領先優勢瞬即消失，港隊一眾年輕球員顯得什為沮喪。

「咁都守唔住，仲講乜野出線？天亡我也……」
「同我收聲！」


我第一個出聲，把那群妄自菲薄的球員罵了一片。






「望下個鐘，你地望下個鐘，仲有成二十分鐘呀！唔好同我擺個世界末日既款，場仗一日未打完，一日都要打落去！」我怒道。
「對中國日本我地都做得到，無理由今晚唔得，咩都可以輸，信心唔可以輸！！！！」
「係，師兄……」


球隊出現信心危機，我只好施展渾身解散代替領隊大開吹風機。



嗶！


比賽重新開始。
 




 
噠噠……
噠噠……


時間踏進最後十五分鐘，阿曼球員力氣不繼不再強行進攻，急於求勝的我們要在前場製造空位，難上加難。


「substitution for Hong Kong……」


最後五分鐘，領隊換出幻得幻失的光仔，以前鋒域陀入替，實行盡地一煲。

阿曼球員已放棄進攻，我們一點一點的把防線壓前。然而受制對方強壯的後防，我軍所製造的機會不多，二十分鐘內只曾出現兩次中目標射門。





圍攻局面已成，直至補時一分鐘。


「入去呀！」


我大喝一聲，在三閘線附近左腳吊入禁區，屯兵禁區的阿曼側額頂出。


「喝…」
「香港隊長臥身一抽！」


禁區頂位置，李翰林迎上一射，皮球去勢強但角度欠奉，讓阿曼門將輕鬆托出底線，前線德仔﹑域陀被萬蟻食象般圍死，也只能靠這種冷箭一搏。





角球開出，人叢中高尼路升高一批，卻敵不過阿曼高大的城牆，皮球再被送出禁區。


「再黎！」


這次，輪到我出現在皮球降落點。迎著來勢，我右腳凌空一抽……


「靚波呀！！」
「呢招咪係『圓月彎刀』？」


正是我從戴利身上偷師的「圓月彎刀」，皮球在空氣高速旋轉，門將難以預測來勢，撲球難上加難。
 




 
「哎喲喲！」
「لايمكن!」




阿曼門將步韻稍錯，皮球在他手邊擦過……

眼見便要絕殺成功，門前卻出現阿曼的入球功臣艾哈達利，奮身將球頂高護空門！



「El-Hadary！！！」
「البطل！البطل！」



主場球迷先服一打「救心」，然後不斷唱頌兩度成為國家英雄的艾哈達利。


「最後一擊！」


補時最後一分鐘，要絕殺成功，必需保持強勁氣勢。

角球再次開出，阿曼長城又一次化解危機…



「喝！」


這次，敵軍派遣兩名守衛堵塞峨眉月區域，不讓我們輕易起腳。翰林在十八碼區一邊護著皮球﹑一邊慎防對方從後緊迫，禁區內的港隊球員紛紛四散，現身幫波。


「發仔，交俾你！」
「係！」


翰林交到左路劉尚發腳下，發仔正想引球一段卻慢了數秒，兩名阿曼球員相繼殺到。


「喝！」別無他法，發仔決定放手一試，發動全身力量右腳狂抽，卻意外撻Q變成傳中……
 
「！ليسهناكأىمشكلة」
 
 
禁區內屯積阿曼守衛，想要將球清走，但大部份球員拚足了九十分鐘，大腿肌肉已不聽喚使。

一記撻Q射門，皮球最終落在十二碼點的德仔腳下，德仔雙眼瞄著龍門角位，拉弓右腳一chok。