71)全場猶如孖公仔的發仔及波迪路,繼續於中場爭逐。

「你個垃圾,放手呀! 」
「我唔係垃圾!」
「仆你個街,去死啦!!!」
「哎呀~~~!!!」

「人間兇器」一雙金鋼腿發揮威力,硬生生踢中發仔的上下五寸!






嗶!

「屌你老味!踢人定踢波呀????」



一下明顯的惡意犯規,發仔掩著小腿嚎啕大叫,我們一同走到場邊,痛罵無恥的「人間兇器」。


「你放手未!你放手未!」波迪路獸性大發,向著躺在地上的發仔狂犬吠日,雙方的火藥味爆發,球證見狀立時分開眾人。




「你!」惡人有惡報,球證將波迪路叫到一旁,向其出示第二面黃牌。
「以為自己打緊擂台??出場!!!」


「好呀!!!」眼見惡名昭彰的「人間兇器」終於得到教訓,波台痴線佬興奮莫名,不住向場內灑溪錢諷刺對手。



「發仔!!?」





波迪路腳力之強人所共知,眾人對發仔的傷勢感到憂心,紛紛走到場邊跟進。

「我……我冇事……」他脫下護脛,現出一條刀疤般的血痕,這一腳果然收買人命!
「不得了,人黎,準備熱身……」
「領隊,我仲可以的!」發仔大叫。
「但你既傷……」我道。
「大師兄,你同我地講過話要相信奇蹟,黎到呢個階段放棄,我唔甘心!」
「講得好!」德仔走過來扶起兄弟。
「教練,要乘勝追擊,場上球員缺一不可,希望你將發仔留喺場上!」
「德仔……」發仔感激。
「……好。」積甸拿克沉吟半晌。
「我就將重任交俾你地。伺機反擊,殺個片甲不留!」
「得令!」
 





那邊廂,球員的衝動賠上了人數,野人J山齊士心有不甘。

「領隊,依家我地打少一個,要先做好防務嗎?」助手問。
「堂堂上屆八強,對住一隊新丁要防守?」山齊士怒道。
「繼續上!!唔好俾佢停!!」

去屆賽事,洪都拉斯以同一班底出戰世界盃,籍著野人怒吼,將士用命殺進八強。四年之後,高傲的野人企圖照板煮碗,卻沒想過班底經歷四年光陰,已經年華老去。

積甸拿克領隊的後著,正正針對這個弱點。




「所謂一鼓作氣﹑再而衰﹑三而竭。」積甸拿克半場時說。
「對方賽前豪言要狂數我地,老鼠拉龜既時間愈長,士氣必定受損。再加上年紀同體能問題,只要我地多守25分鐘,佢地既戰鬥力肯定會大幅下降!」




「到時我地乘人之危,以快速反擊一劍封喉。」
「係,領隊!」
「今日之後,大家要名留史冊!」



噠噠……
噠噠……


積甸拿克這一著是賭搏,年齡固然是對方弱點,但洪軍尾段會否搶攻﹑我軍的反擊又能否取得入球,均是未知之數。

幸運之神,這天卻站在我們一邊。「人間兇器」紅牌被逐進一步打擊他們的士氣,野人依然不惜一切的進攻,但體能不繼兼少踢一人,兩軍的實力距離逐漸拉近。
 





「香港!香港! 」


時間剩下十五分鐘,形勢漸漸偏向多打一人的香港,波台痴線佬聲浪愈來愈大。


「上呀!」


J山齊士不肯放棄進攻,勒令右翼荷西路繼續壓前,然而,34歲的他經過一小時多的比賽,再也贏不了年輕的陳俊傑。


「喝嘿!」
「好呀!」






準繩的一閘,陳俊傑清脆地搶去腳下球,港隊迎來全場第一個反擊機會。


「傑仔……呢度呀!」
「好!」


全場靜如止水的德仔等待著這一刻來臨,在中場接過皮球後霍地轉身,施展凌波微步。
 
 
「德仔轉身馳騁,避過洪都拉斯防守中場,繼續前進……」


洪軍球員大都年過三十,根本攔不住儲足氣的德仔,讓這名日職紅人一口氣連過兩關,往左路尋找拍擋。


「德仔!」
「收到!」


以翼衛姿態出現的胡仲光伺機壓上,接應傳送於左路底線蠢蠢欲動。


「香港隊全場第一個攻勢,左路沉底既胡仲光爆過一名守衛傳中……」
「去!去!去!去!  」


香港的清晨時份,街頭百萬民眾齊心叫喊,港九各處猶如除夕晚的蘭桂芳一般熱鬧。