香港殺入世界盃（尼馬故外傳）: 第八十七章

87）一年後。

「特別新聞報道：就中國向國際足協申請同香港及澳門足球隊『合併』一案，國際足協發言人今早宣佈，香港同澳門『自古以來』一直擁有自己既體育代表隊，『一國兩制』只係政治文本上既條文，唔應該影響FIFA既運作，因此裁定申請無效。」
「換言之，即使到左2047大限，我地依然可以繼續以Hong Kong名義參加國際賽事！」
「消息發放時間，恰好係港隊世界盃擊敗洪都拉斯既一周年。香港球迷上街慶祝之餘，亦不忘向中國抽水。五十多名『波台痴線佬』下午包圍中聯辦掟蕉皮，揶揄中國足協申訴失敗。」
「特別新聞報導完畢。」

我雖不認同掟蕉皮的挑釁行為，卻明白香港球迷此刻的心情。去年的世界盃，港隊雖然取得空前成功，卻依須擔憂被「吞併」厄運，如今終於可以鬆一口氣。

一星期後，我接受體育世界主持人鍾女對於有關事件的訪問。





「gary，香港可以繼續擁有自己既足球隊，你心情如何？」
「當然十分高興！香港足球隊歷史悠久，絕對有資格留喺歷史名冊上。」
「成功挽救港隊命運後，有人提出下一步要爭取政制上既權益，特別係『五十年大限』即將來臨，你點睇？」

她所說的「政制權益」是自決和獨立的暗示，只是不便公開說出，這個我自然明白。

「坦白講，要短期內實現自決目標既可能性微乎其微，特別係經過連場DQ行動，立法會已經完全頃斜。」我想了半晌，發表自己想法。
「但過往既獅革同世革證明左一樣野，人民係有力量改變政治現實。『自決』目標遙不可及，但我相信冇野係永恆不變。依家人民爭取緊既野，佢地自己﹑什至我地呢一代都未必睇到成果，但所謂『前人種樹﹑後人乘涼』，我相信夢想必定會有實現既一日。」
「五十年﹑一百年之後，我同妳都未必再存在喺呢個世界，但我希望後世既香港人可以見證，喺香港呢片可愛既土地，人民可以唔再受制於強權，可以決定自己既命運。」






訪問一出，由於我指桑罵槐之意什為明顯，中央政府及港澳辦馬上作出回應，批評我的言論嚴重傷害中港兩地同胞感情，還直指我是十惡不赦的港獨份子。然而，在這樣的社會氛圍下，加上我的地位特殊，他們未敢公然把我變成另一個李波，或許到了2047兵臨城下，他們才會秋後算賬，但這是後話了。
 
前路漫漫，很多事情的確難以預料。唯一可以確定的是，我的身體質素已大不如前，長期累積的傷患，使我決定於季尾完成跟貝迪斯合約後，便離開征戰了十一年的歐洲球壇。

這日，回復自由身的我來到斧山道運動場，探訪黃大仙足球隊的操練。

去季黃大仙重返超聯，禮聘體委會主席郭嘉諾先生出山相助。我早在郭先生擔任足總總監時，已和他識於微時。





「離開西班牙後，有何打算？」他問道。
「我都唔知，腰間傷患日益加深，但我仲想踢多一陣。」我道。
「我有一個提議，唔知你有咩睇法。」
「請講。」
「你都知，我執教黃大仙隊只係暫時性質，明年就要返體委會工作……」郭先生說。
「所以，我希望你返黎香港，親自接管香港足球既青訓搖藍。」

我微微一楞，近日收到不少世界各國聯賽球會的請柬，什至母會悉尼亦邀請我回歸澳職聯作球員生涯的最後一站，我卻從來沒有想過回歸香港。

「港超聯有今日既盛世，你功不可沒。」郭先生繼續道。
「職業生涯身經百戰既你，卻從未效力過本地球會。近年喺香港花左咁多心血，難道冇諗過落葉歸根？」
「………」

斧山道運動場對我來說意義重大，皆因對面是我的母校孔仙洲紀念中學，我的童年在這裡渡過。此刻，我好像看見她在向我招手，要我回來跟她重聚。





三天的考慮時間，我最終接受郭先生的邀請，以球員兼教練的身份加盟家鄉球會黃大仙，作為職業生涯的尾站。
 
噠噠……

啪！


「絕殺！西維爾2－1擊敗皇家蘇斯達，全取三分！
「入球球員係後備上陣既年輕前鋒－梁令德！呢個係佢加盟以來第七個入球！」
「本以為西維爾簽佢係為左開拓中國市場，點知佢已經連續三場後備上陣入波！效率確實驚人！」


「德仔，恭喜你再度成為球隊英雄！你如何評價自己既入球？」
「只係一個普通入球，希望黎緊陸續有來。」
「你有信心來季成為球隊正選嗎？」




「我唔知道，但我會繼續拚搏，爭取更多上陣機會。」
「登陸西班牙已經差唔多一年，你喜歡呢度既生活嗎？喜歡安達魯西亞嗎？」
「呢個地方好靚，食物亦非常可口，我好喜歡。」
「你第一季既表現已經贏盡西維爾球迷既歡心。一年過去，你有咩想同佢地講？」
「多謝大家，我下季會捲土重來﹑變得更強！仲有，我係黎自香港，唔係中國。」
「si…si！香港不是中國！我地明白！」


有里香的指導，德仔經過一年時間，已能用簡單的西班牙語接受訪問。

事情就是如此巧合，去季我離開居住了五年的塞維亞，如今由德仔繼承衣砵，加盟另一支同市球隊西維爾，繼續在安達魯西亞宣揚香港足球。


「我今日學識左整Charcutería，買左野食下廚。」完成訪問後，他接到里香電話。
「妳又下廚？」




「你睇少我嗎？」
「唔敢……」
「上次我煮個個西班牙蛋餅tortilla，連你媽媽都讚不絕口呀！你敢睇少我，佢一定唔會放過你。」
「但係，我聽人講Charcutería唔係咁容易整，要整得好食，起碼要一年半載時間練習。」
「有幾難姐！將D肉切靚上碟咪得！」里香嗔道。
「……好吧，你儘管試下。」
「今晚七點喺你屋企見啦！」

德仔無奈苦笑，自從里香愛上西班牙料理，便不斷找自己做實驗試味，卻並非每次也成功。可是，母親十分寵愛里香，他只好硬著頭皮，繼續當她廚房的白老鼠。


「我返黎啦……」
「返黎啦？飲碗湯先啦。」
「唔該媽媽。」來到西班牙，德仔媽媽依然每天煲節瓜瘦肉湯給他。
「里香今晚過來嗎？」




「嗯，佢學識左一道新菜，話要整俾我地食。」
「人地女仔一番誠意煮野俾你食，無論味道如何你都要讚佢呀！仲有，你地幾時結婚？」
「………」