《我喜歡了隔壁班的交換生》: 11

符映彤視角

「媽，我返嚟喇。」小恆開了門後，向廚房的方向大喊。

小恆的家很整潔，有兩個房間，四周放滿了很多照片。

「伯母，你好啊，我係子恆女朋友啊，我叫彤彤。」我向着廚房和伯母打招呼。

「阿仔，你竟然有女朋友！我仲以為你除咗樂宜同小映之外，就冇女性朋友添！你終於生性喇。」伯母笑着說。



「媽！唔好亂講啦。」小恆慌張地說。

「彤彤，隨便坐住先啦，我準備煮飯喇，加埋你飯㗎喇。」伯母客氣地說。

「好啊，唔該伯母喇。」我笑容滿面地說。

我在客廳中隨便看看照片，沒想到，每一張照片，都是我和小恆小時候的回憶。

我們倆手牽着手，坐在兩邊的我韆鞦上。



我們倆同樣手牽着手，坐在滑梯上。

我們坐在同一輛腳踏車上，小恆扶着我的肩膀。

我們坐在小恆家的飯桌旁，小恆拿着匙羹餵我吃飯。

我們最後一次見面，我和小恆再次手牽着手，笑容燦爛的合照。

「佢就係我嘅兒時玩伴，我哋六年冇見喇。」小恆婉惜地說。



小映她只是遠在天邊，近在眼前罷了啊，是你認不出來是我而已。

「我...係咪忽略咗你嘅感受？」小恆抱歉地看着我。

我搖搖頭：「唔係啊，咁咪幾好，證明你夠長情吖嘛。」我捏一捏小恆的臉。

「快啲去沖涼先啦，我嚟幫伯母煮飯。」我說。

「你記住唔好打爛唒啲嘢喎。」小恆擔憂地看着我。

「係喇。」我沒好氣地回答。

「小眏。」進到廚房，伯母直接這樣叫我。

「你好啊Auntie 。」



「你嚟幫我手？」伯母問。

「係啊，有咩我可以幫手？」我問。

「子恆佢呢，喱六年都好掛住你啊。」伯母一邊把菜分配给我煮，一邊說。

「芷妤佢幾好嘛？」我問。

「佢好收收埋埋，大概只係得你同樂宜先可以同佢傾到計喇。」

「可能有少女心事呢。」說罷，伯母和我也隨即捧腹大笑起來。
～～～～～～～～～～～～～～～～～～～～～～～～
「媽咪，佢係？」芷妤剛回來，就用奇怪的目光打量着我。



「佢係你阿哥個女朋友啊，佢叫彤彤。」伯母向芷妤介紹我。

沒想到，介紹完之後，芷妤竟然用嫌惡的眼神瞪着我。

「哦，今日見過啦。」然後我又聽到她喃喃地說：「最憎第三者。」

第三者？！我不是啊！！