《我喜歡了隔壁班的交換生》: 18

彤彤突然從我的身後「偷襲」我：「小恆，我肚餓啊，不如我哋去買嘢食吖。」

「阿恆，我煮咗早餐俾你食啊。」Apple 靦腆地說。

此時，彤彤、杰仔、Apple 和另外那五個湊熱鬧的「花生友」同時看着我。

「呃...彤彤，我哋去食嘢啦，呃...Apple 啊，杰仔佢仲未食早餐啊，不如......」我為難地說。

Apple抿了抿嘴唇，垂下頭，悶悶不樂地說：「好啊，阿杰，你攞去食啦。」說罷她把麵遞給杰仔，便徑自往沙灘走去。



對不起Apple ，我已經有女朋友了。

「Apple!」杰仔把走開的Apple 叫停了。

「小恆，我係咪唔係做錯咗啲咩啊？」彤彤牽起我的手，一臉無辜地問。

我輕輕一笑，摸摸她的頭，說：「冇啊，唔好諗咁多。」

「係呢，你想食咩？」我問。



「我都唔知啊，不如我哋求其搵間茶餐廳去食嘢啦。」彤彤答。

最後，我和彤彤只是隨便在茶餐廳吃了一個多士。

「大家，我哋今日嘅行程都已經安排好，今日lunch之後我哋就會踩單車環繞大嶼山兩個鐘，之後就食dinner，然後夜行上山紮營，聽朝早啲起身，睇完日出之後落山。」杰仔說。

「好啊，我冇意見。」我說。

「我都冇。」



「我都冇啊，安排得好好。」大家紛紛和應。

「咁我哋朝早就喺沙灘玩啦。」Jason 提議。

「Let’s go!」

大家統統脫下鞋子，跑到沙灘上。

「啊！！」吳雪淇和Jason 一同跑到沙灘上大喊。

「哈哈！」然後他們二人一同相視而笑。

。。。。。。

果然是瘋子吧。



「好，我哋都去啦。」林卓忻說，但在我眼中，就好像是林卓忻在命令阿Ray 和她去般，而且阿Ray還要不太情願的。

彤彤牽着我的手，走到沙灘的中央，說：「小恆，你企定喺度唔好郁。」

然後她用手指圍着我不斷在沙子上畫着不知道甚麼。

「登登，攪掂喇。」彤彤滿意地說。

「喱個係一個咒語，媽呢媽呢空。」她說。

。。。。。。

我一臉茫然地看着彤彤。



「哈哈，你走唔甩喇，你已經被詛咒一世都要同我喱個恐怖嘅女人一齊喇，哈哈哈哈哈。」彤彤邪惡地笑着。

......

「我太驚喇，因為...我一早已經決定咗要一生一世同你喺埋一齊喇。」我說，嘴角微微上揚。

「你...真係唔後悔？因為等待住我哋嘅，會係漫長嘅Long Distance ......」彤彤一臉憂心地說。

的確，還有不久彤彤就要回到澳洲了，不知不覺間，我和彤彤已經認識了三個月。一直以來，我們到底都幹了甚麼？