《我喜歡了隔壁班的交換生》: 20

就因為剛才阿Ray 和阿忻發生的一段插曲，讓大家都沒有了踩單車的興致了。

「咁...我哋早啲上山啦。」杰仔遲疑了一秒，馬上雀躍地說。

「Gogogo!」Jason說。

「行啦。」我也對彤彤說。

才剛走到山腳，吳雪淇已經在喊累了。



見狀的彤彤馬上提議說：「咁不如...大家一齊抖一陣啦。

眾人也沒有異議，大家坐在山路的一旁，拿出水和乾糧充飢。

但一旁的Jason 還是忍不住抱怨：「邊有人咁快嗌攰㗎？」

「咁你頭先又冇意見要同我哋一齊休息？」阿淇揶揄道。

「你吹啊？」Jason 不忿地答。



「兩位，退一步海闊天空啊。」彤彤說。

「係啊，一陣影響大家心情就唔好啦。」我和應道。

Jason 和阿淇一直默不作聲地站在其餘四人的身後，但大家已經繼續出發。

「彤彤，你背囊重唔重？駛唔駛我幫你？」我細心地問。

彤彤高興地看着我，卻說：「唔駛喇，都唔重。同埋我都唔想加重你負擔。」



「你對我真係好溫柔體貼啊。」我情不自禁地吻向彤彤的臉頰上。

彤彤溫柔地笑了笑：「你都係啊。」

「真係好閃，其實你兩個介唔介意喺一邊閃呢？」杰仔遮掩着眼睛。

突然......

「啊！」Apple 從我的左邊喊了一聲，然後摔倒在地上。

「小心！」由於Apple 離我最近，於是我也理所當然地扶起她。

「我拗柴啊。」她摸摸腳跟，面露難色地答。

「等我睇下。」杰仔跑過來，焦急地將Apple 的運動鞋和襪子脫下來。



瘀青了一片了。

「係咪好痛？」杰仔心疼地說。

「好...好痛啊。」Apple 皺起眉頭，答。

「我孭你上山啦，捉實。」杰仔說。

大約花了半小時，我們終於到達山頂了。

「呼...呼...好攰。」杰仔大口大口地吸着山頂上的空氣。

「我...我哋...仲...趕得切...睇日落...Apple ...你睇下......」杰仔有氣無力地說。



「的確...係幾靚。」Apple 也忍不住讚嘆。

「不如...我哋一齊影張合照吖。」我提議。

「好啊！」彤彤說：「以後就可以喺澳洲日日睇到大家喇。」

「1，2，3，笑。」

「咔嚓」一聲，這一次，大家的笑臉，被永久印在相機中。

雖然Jason 和阿淇依舊不瞅不睬的，可是，我相信，他們一定會和好如初，並加深對彼此的了解。

一定會。
～～～～～～～～～～～～～～～～～～～～～～～～
吃過晚飯後，大家都聚在一起玩UNO。



「我又輸喇，點解次次都係杰仔你贏？」Jason 不服氣地問。

「哦，性格問題。」

「唓。」

......

「係呢，Apple ，你隻腳好啲未？」杰仔憂心地問。

「好好多喇，有心。」她回答。

......



Dead air......

「呵欠，我攰喇，瞓先，早抖。」說罷，阿淇『爬』回到自己的帳篷中。

「咁...大家都早抖。」Jason 也回到自己的帳篷中。

「今日就咁先啦，大家散band 。」杰仔宣佈。

「早抖。」

我和彤彤坐在帳篷中，看着天上的星星。

「如果時間會停留喺依一刻，你話幾好。」彤彤把頭靠在我的肩上。

「我哋仲會再見㗎。」我輕撫彤彤的秀髮。

「應承我，我返去之後，唔好忘記我。」彤彤伸出小手指。

「嗯，我應承你。」我也把小手指勾住了彤彤的小手指。

彤彤滿意地笑一笑，就閉上了雙眼。

此時，一顆流星劃破夜空。

一閃即逝。