《我喜歡了隔壁班的交換生》: 後記

終於完結喇，我真係非常感動，喺喱到我要多謝我嘅阿爸阿媽......

咳咳，認真啲。

完咗喱個故之後，最重要梗係多謝我啲同學啦，讀者啦，多謝你哋一路以嚟嘅支持啦。

雖然喱個只不過係個唔起眼嘅故事，但係我嘅同學，讀者都有不斷為我打氣，尤其是係睇喱本小說初稿嘅同學，佢哋喺喱一年係一路睇住我將故事改完又改又改，冇盡頭咁改，由一開始嘅特工變成科幻再變校園（雖然睇落好似完全冇校園），不過我亦都由六年級嗰時嘅玩玩下變成認真嘅心態去看待，之後睇返自己嘅文筆，我發現真係寫得幾差喎，所以我諗我之後可能會再改下字詞，但係內容全部不變。

講下講下，唔知有冇人係在意個外傳㗎呢？我就呢...已經決定咗，會將外傳放喺續集嘅第一篇文到喇，大家唔駛緊張。



續集之後就會交代返之前咁多朋友，佢哋究竟有咩故事呢？仲有樂宜同子恆，佢哋有仲未完嘅故事。子恆會唔會再同其他女同學擦出火花呢？敬請留意
《我喜歡了隔壁班的交換生2 永生不忘的約定》

我哋下次見，拜拜
新年快樂！！