[新手][愛情][排球]那天我成為女之後 我的人生不再一樣: 第一章：身世-----1.變身

「呀!!!!!!!!!我地打贏左，終於拎到學界淘汰賽既入場劵喇!!!」對方既球員大叫。

「嗚嗚嗚…….」我地既球員係度喊。

之後我地就懷住死老母既樣同對面學校既球員握手，跟住就行返去教練身邊。教練示意我地拎齊D波同埋D袋就上上層。我地上到去之後…

「你地頭先果場波搞咩黎？搵人答我！」教練好激氣咁講

…….



…….

……

「做咩冇人肯出聲呀？喊就有用呀？你！你講！教練一手就指住我。」

「er…….」我頭dup dup咁講

「er er er! Er你個頭呀？有用咩？波都輸Q左啦！平時隊友叫你練波你死左去邊？出去練？練左咩返黎呀？我完全見唔到有咩練到返黎喎！」教練好激氣咁講



「大家……Sorry」我繼續頭dup dup咁講

跟住大家都用一種鄙視既眼光望住我，似乎大家都覺得今場波輸左都係關我事。

等我交代小小野先，小弟係打排球。依場波係一場學界既甲組分組賽最後一場，唔知做咩今年咁快，一開學無耐就已經開左波。大家有玩過學界既都知道，學界為甲乙丙，而甲組會打先，跟住乙再到丙。而甲組通常都係九月開學無耐就會開波，係故事亦唔例外啦。

咁我中四尾因為想增加個人技術而走左去搵一D既街隊跟操，因為果隊街隊又唔係咁出名，所以先比我無條件加入，咁我就係入面練。正如我所講，因為唔太出名，所以訓練強度都唔會話真係咁高。加上我本人一向球技都唔係咁好，所以通常都係打後備多。而我分組賽有得出場，當然因為有人傷左，先輪到我依D後備啦。因為同主力欠缺默契，自自然然係一D尷尬位既波都有誤會而失分，令到輸波。正如岩先咁講，因為主力有傷，前果幾場分組賽都好唔好彩咁輸左，輸埋今場正式同學界告別。

言歸正傳，當教練訓話完我地之後，咁我地就各自散水，咁比人話到一棟都冇既我，再加上隊友既冷眼，我可以點？咪自己一個返屋企囉。



一出到體育館門外面，心諗仲落緊雨。唉，算啦，慢慢行啦，中秋先黎落雨，都知當黑架喇。

我一邊行，一邊諗返起由以前岩岩開始打波，由本身唔識打，變到識識地打，到同大家差唔多，可以做下正選，到教練用人為親，我都未有一刻想放棄過。但係今日見到隊友既目光由以前覺得大家好重要，變到今時今日咁，都覺得好唏噓。有人因為同教練friend，所以就可以隻手遮天，令教練比同佢friend既人既朋友落場都唔比我落場，到佢地因為成日打而進步，我又退步而冇得出場。唉……

唔覺唔覺我就濕住身行到去車站，眼見一對對情侶撐住同一把遮去避雨，都覺得拍拖對我依D死毒撚係冇可能架喇……

諗下諗下，就返到去屋企。無耐直頭行埋雷，心諗「都好！等班情侶唔洗行街開心過中秋！」我都承認我咁諗係好衰，但人又何嘗唔係睇人仆街最高興呢？

望一望張枱，有張紙條寫住，寫住「耀傑，我同你爸爸去左旅行呀，你自己搞掂喇。」當堂心諗又係食自己，唉都慣架喇，算啦。當我行去廁所打算沖涼既時候，我望一望放係廁所既連身鏡，我居然望到鏡入面既倒影係一個女鏡入面，仲要係喊緊，而唔係自己。

我試下舉起右手，鏡像居然唔會舉起手，果下當堂嚇到我腳都軟埋，即刻坐左係地下度。跟住一個雷聲，再嚇到我再彈一彈起。依個時候個女開始望上黎，望真D個女其實係一個靚女，雖然喊到眼都腫左，但亦無損佢既果一份女神既氣質。

仔細望，個女有一把烏黑既長直髮，係冇紮起時長到去心口，而且係平陰。五官都好精緻，如果你想我搵一個人同個女仔比，同陳曉華有Ｄ似，但比佢有住更好既美貌。著住頹Ｔ短褲既佢，唔差既身材都可以觀賞到，頗豐滿既上圍，應該有C，有幼既腰，加上幾幼既腳，可以話係一個外掛／Chok Bug出黎既人，好正！而且個女望落都有165cm，真係唔矮。

佢望到上黎時佢都嚇左一嚇，之後我地既反應都好一致，唔知點解我地都伸手向塊鏡度想摸摸塊鏡，我伸起右手，佢伸出佢既左手，係接觸到鏡面既一瞬間，一個大大既雷令到我眼前一白。



突然我身處係一個白色既世界，我見到頭先係鏡入面果個女仔。

「做女仔好心痛。」一把甜美既聲音講出依句。

「點會呢？做女仔有人錫不知幾好，你唔係毒撚唔會明架喇。」我講

「咁…….我地調轉，我做你，你做我，你想唔想？」女仔咁講

「哈哈，咪玩啦，話轉就轉，打機咩？」我冷笑咁講

「大千世界，無奇不有。正如上帝咁，你信則有。」女仔咁講

「嘩，你耶撚黎架？」我恥笑咁講



「只要你一句『想』，你就可以試下做女仔既感受，亦可以證明我講緊既唔係大話。」女仔再講

「我想！其實做毒撚一Ｄ都唔好，其實我真係好空虛，我好寂寞，我朋友都唔多個，又比人鄙視……」我愈講愈想喊

「好，由今日起，我同你既身份就調轉左喇，希望你活得開心啦。」女仔一個甜笑住咁講