[新手][愛情][排球]那天我成為女之後 我的人生不再一樣: 5. 伍潔瑤的故事３

居然係播緊Ｄ咁既歌，心諗洗唔洗咁傷心呀。作為毒撚既我，除左聖誕時會係度高歌Lonely Christmas之外，仲會係度唱下Single Dog，Single Dog，Single All the Day黎串串自己同賀下節日之外都係打下機咁過就算，但究竟仲女因咩事而自殺，仲要播埋Ｄ咁既歌？就真係不得而知住喇。
 
咁見到Ｄ咁既淒慘歌既我，就Kill一Kill app先啦，當我double kick個home掣，就見到兩個app係冇kill到既。首先係相片，跟住係whatsapp。我望到相片入面有好多一男一女既合照，男既微笑女既甜笑，就咁睇就看似幸福。再轉去睇whatsapp啦，成list最多既都係男既名，老實講，仲多過我仲係男時既朋友……
 
當然碌張list時，令我在意既，係一個我已讀既message，我就禁左入去一個叫patrick既人入面睇。
 
P：你好好，但有樣野唔夠你姊妹好，就係你唔夠聽話！
 
我：唔好走呀，最多以後都聽你話，你想點……就點啦。
 


P：你唔好屈就自己啦，我同你真係唔岩架喇。
 
我：邊會呢，我地都一齊左大半年啦，依大半年黎我地唔係開開心心咩？
 
P：所以呢？我想要既野你又比唔比到我？
 
我：……
 
P：老實講，Eva比你真係善解人意好多，又會識做，同佢一齊，我覺得各方面都好好。
 


我：佢都係識訓係張床度姐，有咩咁好喎
 
P：至少比你訓都唔訓上張床好啦，懶高竇。你唔肯，大把人都肯啦。
 
睇到依度，我真係心諗條賤男呃蝦條，呀唔係，係搶蝦條，咁講唔知算唔算最好呢？個態度真係之前咩好愛你，到食唔到話人好，話話下又話返人轉頭，真係慶幸依個身體既主人當時冇比佢吉。再上下facebook睇下Ｄ相，點解要咁做？好簡單，你唔係諗住唔返學掛？都要埋返堆，搵方法做返男仔架嘛，雖然話以前真係有諗過做靚女姐，但咁突然，我真係冇咁快接受到囉。但可惜facebook冇咩相睇，都係大合照多。
 
睇完電話可以得到既資訊之後，我大約整理下「我」既資料啦。Ada，Bianca ，Carrie，Doris 同Eva 五個加埋我六個人本身就係Best friend加飯腳
黎既。至於開頭點識就搵唔返喇。
 
而Eva就係早前撬左我條仔，或者係我條仔自己搵Eva啦，咁就反左面架喇。依加個個friend都唔妥Eva架喇，所以依幾日都係食Lunch時都係得我地五個食。


 
我同Ada，Bianca係同班，大家都係5A班，而Carrie同Doris就係5C班，Eva同Patrick依對被世人詛咒既一pair就係5B。
 
我地中學就咁既，你係中三時，若果全級係頭90名的話，可以最多揀三個X，而你咁不幸考獲91名既話，學校就非常貼心咁，比兩個X你揀既姐。因為有人3X有人2X，加上第三個X係可以揀M1M2，所以學校就將A班分為揀M1M2，B班就三個X，而CDE班，就分別係冇揀column1，column2同column3既人。你地可能會問，個個揀同一column咪爆班？傻啦，又點分比依Ｄ事發生，所以，唔好問我點解，學校制度就係咁。
 
而你中四係咩班，跟住高中果三年就會係咩班。換言之，姐係果三年唔會轉班架喇。
 
咁因為同班關係，我同Ada同Bianca係最friend，加上大家又係女排所以比較friend。
 
中四Patrick就插班入黎，之後識左，跟住聖誕一齊，一直女方都覺得好開心。一直到暑假後開學無耐，就比人飛左，同左Eva一齊。
 
到中秋節前兩日因為我心情問題，令隊波輸左一場分組賽，令學校女排次名出線，大家都好好咁關心我。直到中秋夜因為落雨，因為同Patrick既變心，令到我走左去自殺，但唔成功，就變左我做左依個女仔……