火花不等人: 樽頸位

我們相識了半年左右的時間，二人慢慢走近，那個週末，她試過踏前一步，但我讓她失望，那個聖誕，彼此坦誠相對，但未竟全功，那個情人節，輪到我主動，輪到她退後。
 
===============================================
 
「食飽？送你返去？」
「好呀。」
雖然沒有點甜品，亦無損今晚晚餐的完滿。
 
===============================================
 


往後的日子，我們仍有通訊，仍有品香，仍有結伴，我們的關係一直在這樽頸位進退失據。
 
那時Facebook仍未盛行，我們沒法從Facebook緊貼大家的近況，偶而我們會在Xanga發佈一下自己的消息。
 
那年我的生日，剛好碰上古巨基的演唱會，在Xanga上我Post了一張相，相片中以紅館大舞台為背境，襯托出一雙正在十指緊扣的手。
 
「喂，邊個嚟咖？」
「Peggy。」
「哦‧‧‧咁聽到必殺技有無諗起前度呀？」
「有喎。」


「咁有無邊首歌係會諗起我呀？」
「無喎。」
「衰人，你心入面個圓圈呢？」
 
袁頌婷的生日遲我一個月，那天晚上她Post了一張相，相中二人的剪影在山頂接吻。
 
「喂，終於都復合？」
「係呀。」
「仲有無搵我同佢比較呀？」
「有時喇。」


「咁邊個贏呀？」
「一半一半喇」
「搞錯呀！」
 
這種關係一直持續，我亦慢慢習慣，袁頌婷成為了我的好友，一個在我心中總佔有某個位置的好友。
 
「喂，Peggy會唔會嬲咖其實？」星期四晚的品香。
「咁你男朋友會唔會嬲呀？」
「頂你唔好成日反問我得唔得呀？！」
「佢把口話唔嬲囉。」
「咁你都信？」
「我Prefer聽到乜就信乜，成日估嚟估去好煩，所以我同咗佢講，有咩直接講出口，咁佢都同意嘅。」
「下？唔係估下估下‧‧‧‧‧‧好玩啲咩？」
「‧‧‧未一齊就係‧‧‧」
 


我們不時交換各自的感情生活，有時我會有種衝動，想告訴她，其實我聽到她跟我分享她跟他的片段，心裡很不是味兒，同時我亦想知道，她會否有同感。