跟住佢喺度挨多一陣

我地就落車

芊靈:「好

食早餐

我:「咁興奮做乜柒



芊靈:「平時都係放假先至食雪菜肉絲米

你知啦多數想瞓多一陣丫嘛哈哈

今日難得早啲醒咪可以食囉

好快我地就搵到一間餐廳

咁就喺度叫野食啦,



芊靈:「火腿蛋雪菜肉絲米熱檸茶

我:「煙肉蛋雪菜肉絲麵熱奶茶多奶

芊靈:「人飲熱野你又飲熱野

跟風

我:「收皮啦不嬲都飲熱野



芊靈:「講下啫咁認真

我:「我都係講下啫

不過有個問題真係好想問你

芊靈:「做咩呀

我:「點解你搭巴士坐嚟坐去都係嗰個位

芊靈:「觀察力唔錯喎

我:「梗係啦

對於你我一向都好細心觀察



芊靈:「變態佬喺度偷睇 」,

我:「我就唔信次次都係隨機揀呢個位

芊靈:「其實冇咩特別,

只不過以前細細個跟住daddy媽咪搭巴士嗰陣,

係坐呢個位啫

唔知點解嗰陣搭車已經好鍾意睇風景

所以一直都坐喺窗嗰邊,



坐下坐下咪慣咗囉

我:「等我重以為係咪有段刻骨銘心嘅故事

係咪鳩吹架

芊靈:「冇呃你呀

你唔覺搭車睇風景好爽嘅咩

的而且確以前嗰個年代,

智能手機未普及

搭車可以做嘅野相對多變



睇風景睇書打psp都有

依家十個有十個都係玩電話啦

最少我係先啦

至於佢係咪

咁我就唔知喇

返返嚟先,

我:「其實真係幾舒服



因為唔使諗野

唔講你唔知,

講咗你一定知

我都好鍾意放空一切,

正正係因為唔需要諗野,

所以我極度鍾意悶

芊靈:「你真係好奇怪嘻嘻

我:「講明先呀絕對冇標奇立異

全部都係真心

芊靈:「我信你喎

邊度有人話唔信你

跟住啲野食就嚟到,

芊靈:「你塊煙肉好吸引喎

我:「你想點丫

芊靈:「如果有人可以分啲俾我試下就好喇

跟住我就成塊俾咗佢

我:「講到尾都係想食啫

成塊俾你唔使煩

芊靈:「唔使咁多呀

啲啲就得

跟住佢就設一小塊出嚟俾自己,

另外嗰一大塊就俾返我

我:「我以為你係俾細啲嗰塊我添

芊靈:「唔好講到我咁衰

我:「晨早流流食咁多野

再食肥死你

芊靈:「傻嘅我成日帶呀bi散步

得閒又打下羽毛球

唔使講呢啲野嚇我喇

係喎考完試之後你打唔打羽毛球

我:「同邊個打

芊靈:「咪講過囉

我,michelle,同埋佢男朋友丫嘛

我:「原來講真架

芊靈:「梗係啦

好似你咁咩

成日吹水

你去唔去呀

係嘅話我就同佢講book多一個人

我:「會唔會俾人笑我渣

講明先我開波淨係打到羽毛打唔到個波

芊靈:「放心啦我地都係圍威餵唔識打

冇人笑你呀

我:「佢兩個易唔易相處架

一陣間唔歡迎我去到咪又係盞搞

芊靈:「梗係易啦

同埋佢成日都話想搵多個人玩雙打

係你喇出嚟啦壹仔

我:「頂你喺度扮比卡超

芊靈:「你又知嘅

我:「觸覺

你識咩呀

芊靈:「懶巴閉

咁我同佢講預埋你嗰份喇

唔好甩底呀

我:「從來唔甩底你放心

芊靈:「不過你要預咗俾人閃,

佢兩個好煙韌哈哈

我:「痴線

我同你閃過佢咪得

芊靈:「冇人想同你閃呀

我:「芊靈bb

好唔好啫

芊靈:「好核突呀

食野啦