第二日就開始同佢一齊食晏啦

去返嗰個乜q園林休憩處

我買完野食行過去嗰陣就已經見到佢坐咗喺度

而且檯面已經有野食

頂你快到抽筋



明明我已經準時放,

但佢都重可以快咁多

我:「頂你我已經準時放飯,

點解你重可以一早坐喺度

芊靈:「早過你咪可以一早坐喺度囉



我:「屌你又有道理

終於冇坐住咗個腦

芊靈:「似你咩唔帶佢出街

食食下嗰陣

芊靈:「如果有人可以分啲燒賣同牛肉俾我試下就好喇



跟住我就將我個碗入面啲燒賣,牛肉一次過俾佢

我:「一見你呢個樣

再聽埋你講嘅野

就知你想點啦

芊靈:「多謝

我:「如果有人可以分條雞串俾我試下就好喇

芊靈:「唔好抄我

我:「邊個得閒抄你



芊靈:「你咪最得閒嗰個囉

我:「咁點呀得唔得啫

跟住佢真係嚟手俾咗條我

我:「真係夠豪爽嘅啫

芊靈:「原本想俾m&m你嘅

不過你唔食得咪俾條雞串你囉

我:「屌



話知你講乜

有得食就爽

芊靈:「留返一舊雞肉呀

我:「得啦

結果嗰條雞串最尾舊雞肉真係俾咗佢,

食嗰陣我完全冇為意

食完嗰陣我先諗,

係喎頭先我都係就咁用個口扯出嚟



嗰陣喺度ff

唔知有冇機會間接kiss呢

當然呢啲野我冇同佢講啦

更加冇喺佢面前明爽

如果唔係真係當我痴鳩線

咁就大撚鑊

而佢照樣都係扯出嚟



當然佢斯文過我好多啦下,

有時靚女真係靚女

嗰啲姿態硬係特別靚

但我見佢好似冇乜特別咁樣,

咁就冇特別同佢講。

點講都好今年都係會考之年

雖然嗰陣只係十月

都重有半年時間,

但記得當時學界已經冇乜人玩

淨係講中五嗰啲

聽聞足球隊都唔係好多個有份去

全部人就係溫書溫書同埋溫書

有一次放學芊靈都有問我

芊靈:「準備成點呀

我:「日日溫啲囉

希望得啦

芊靈:「係咪都重係諗住原校升

我:「得嘅話就梗係啦

跟住佢就喺度偷笑

我好記得係笑咗一下

跟住好快就收返

變返傾計嗰個樣

我:「無啦啦笑乜撚

芊靈:「冇呀邊度有

我:「肯定有呀

芊靈:「唔知嚕唔記得咗嚕

我:「扮蟹

芊靈:「有冇諗過第時讀咩科

我:「冇喎

中六中七先諗啦

我就不嬲都冇遠見嘅

芊靈:「我唔信你一啲都冇諗過

我:「哈哈

講真嗰句,

有邊個真係冇諗過丫

芊靈:「女仔直覺

覺得你一定有諗過

跟住我就梗係搣佢塊面

我:「至醒係你喇

芊靈:「唔好搣我呀

我:「成日扭我丫嗱

點知因為我唔係高佢好多嘅關係

佢好快就可以伸手扭我耳仔

芊靈:「係呀我係照扭架喇

其實嗰陣大家距離係好近

你諗下我搣緊佢左邊面,

佢就扭緊我左邊耳仔,

好彩喺巴士站冇人見到啫

不過可能我地成日都係咁樣玩

所以就唔覺有啲咩咁尷尬

同埋最緊要嘅係,

我從來都唔覺得佢會對住我過電

就係因為咁樣所以我先成日都撩佢,

如果一開始我覺得有機會拍拖嘅話,

我諗我對佢嘅態度唔會係依家咁樣

有邊個唔想同女神拍拖

但都要睇形勢架

芊靈:「咁究竟你想讀咩啫

我:「做咩讀咩其實都唔係重點

最想第日可以買到一個細單位,

俾自己好俾雙親都好

嗰陣嘅我完全唔知樓市升幅係好似依家咁樣

所以就誇下海口講埋啲咁嘅野

諗返起都有啲慚愧

不過出奇地芊靈佢冇笑我

芊靈:「呢個就係夢想

我:「我諗用目標形容好啲

夢想對我嚟講比較遙遠,

我嘅夢想其實係攤喺地下乜都唔做

但係我知咁樣係唔可能

芊靈:「哈哈咪係囉

其實我以前諗過想做小提琴老師

好細個嗰陣

我:「依家重有冇玩

芊靈:「冇喇

依家反而想向住獸醫嗰邊發展

第一鍾意小動物,

當然會偏愛狗仔啦

我:「估你唔到喎

芊靈:「你到時要做第一隻俾我醫嘅狗仔呀

我:「獸醫姐姐

我小便唔係好方便呀可唔可以檢查下呀

芊靈:「變態佬又喺度講啲咁嘅野

我:「又係你話做獸醫嘅

重話要醫我喎

我依家嚟求診你話我變態佬

芊靈:「邊有狗仔識講野架

你呢隻狗仔真係太曳

我:「講真如果可以同娘娘你有親密接觸

做一隻狗真係冇問題

芊靈:「痴線

諗諗下你都唔可以做狗仔

我:「又點解呀

芊靈:「今次到你諗下喇要

你都考得我多

記得嗰陣我真係好無聊咁樣喺度諗,

但係諗嚟諗去都係冇頭緒

於是我就放棄咗。