[真人真事][校園][純愛]《兩個我加一個妳》: 第七十一章

之後放完假返學嗰陣

佢真係有問我張咭係咪度

放學之後佢照例行過嚟啦

芊靈:「帶齊啲野未

手冊功課筆袋銀包水樽 」



我:「帶齊 」

芊靈:「我張咭 」

我:「乜撚野你張咭 」

我:「啱啱寫俾你嗰張喎

你咁講即係又唔記得啦 」



跟住就即刻喺書包拎出嚟俾佢睇

我:「玩你咋

唔好成日屈鳩我乜都唔記得 」

芊靈:「係喇係喇唔屈你喇

飲野飲野 」



我:「好

係咪你請 」

芊靈:「你真係有帶喺身咁叻仔

當係獎勵你啦 」

佢一路講一路摸我個頭

我:「得喇唔好整喇

我唔係你寵物呀小姐 」

芊靈:「摸下都唔得 」



我:「摸手丫不如 」

芊靈:「學校嚟架呢度 」

我:「即係唔喺學校就得 」

芊靈:「唔……唔係……呀

好煩呀你 」

我:「我講咗兩三句咋喎 」

芊靈:「煩人唔同你玩呀 」



我:「喂唔好走住先啦 」

芊靈:「成日都話摸手

你真係一個不折不扣嘅變態佬 」

我:「我係變態佬呀就對住通街講啦 」

芊靈:「點知你係咪通街講 」

我:「我淨係對住你講咋 」

講完之後重搣一搣佢面珠登

跟住佢一路話好煩一路就行前



我咪喺後面追返佢囉

其實同佢玩呢啲真係幾頂癮哈哈

記得嗰年二月先至放新年假

我地嘅study leave自然就喺二月之後先開始，

咁大家都知啦

中學嚟嚟去去都係玩嗰啲野啫

故事總有雷同



咁樣喺一月嗰陣就有個歌唱比賽

喺禮堂搞，

初賽喺放學開始進行

篩選咗唔知幾撚多個之後

就會喺某一日中午舉行決賽

而嗰日下晝係唔使上堂嘅

即係搞完嗰個歌唱比賽就可以返屋企

我最關心都係呢樣啫哈哈

歌唱比賽有乜咁關心

我冇份玩

芊靈亦都冇

芊靈:「有冇玩sing con 」

我:「冇喎 」

芊靈:「點解唔玩呀

上次見你唱歌幾好聽呀 」

我:「屌好明顯我上到台就腳震

到時出醜就唔好啦

我未去到五音不全啫，

不過都唔係好聽 」

芊靈:「竟然唔喺度認叻 」

我:「我都勉強有少少自知之明

平時去走廊廁所唱幾句就得 」

芊靈:「哦原來平時喺學校男廁唱歌嗰個係你

成日唱都拆天

我喺班房都聽到呀 」

我:「頂你講大話愈嚟愈誇張 」

芊靈:「講真呀

有幾個男同學去完廁所，

返嚟話個廁所有條友好鬼嘈

成日都喺度唱兒歌

跟住成班決定開窗開門聽

一聽就係馬槽嗰首歌

原本我都想問你係咪你

因為把聲好熟

點知真係 」

佢講得出兒歌就真係冇講錯

因為的確係馬槽歌

芊靈:「冇野講呢 」

我:「唱幾句歌都冇咩咁大不了啫 」

芊靈:「痴線真係好大聲

又真係冇人捉架喎 」

我:「咁我有屙尿呀嘛

唔係入到去淨係搞事 」

芊靈:「真係咩人嚟

去廁所竟然喺度唱兒歌

重要咁大聲 」

我:「唔好講我啦

你又唔上去參加 」

芊靈:「我唱歌都唔好聽

獻醜不如藏拙 」

我:「係咪呀唱幾句嚟聽下 」

芊靈:「唔唱

不如你唱幾句丫 」

我:「我一唱就好大聲喎

制唔制

『遠遠在馬……』」

芊靈:「夠喇 」

係咁咦講下個結果啦

最後芊靈個friend Michelle拎咗第二

佢唱歌好撚勁

原key唱習慣失戀

臨尾重係真音上

而且冇走音

佢玩運動得，

唱又掂

樣重唔錯

真係幾全材

一落台就見到佢行埋去芊靈嗰度

芊靈亦都有起身

跟住再行過去佢男朋友嗰面

唔知芊靈同埋Michelle個男朋友有冇屌柒拎冠軍嗰個呢

一陣問下佢先