大約半個鐘至九個字到就落車

其實佢全程冇瞓過

只係喺度挨住我個膊頭

我:「起身喇好攰呀我

芊靈:「點解呀



我:「試下調返轉

我嗌住你膊頭瞓

咁樣你就明

芊靈:「鹹濕仔想抽水

我:「嗱小姐說話唔可以亂講



小弟乃係正人君子

絕對唔會做出如此不道德行為

芊靈:「使唔使咁誇張呀

我:「大佬你依家係詆毀我

梗係要嚴正澄清啦



芊靈:「好啦好啦

你講到咁嚴重就算啦

跟住梗係搣佢個面豬登

我:「算你醒目

芊靈:「唔好搣我呀

扭返你轉頭

喺度玩咗陣跟住先落車

落到車就行去百老匯



芊靈:「想睇咩戲呀

我:「鹹片

芊靈:「真係變態佬

有冇搞錯呀

喺條街講都算喇重要咁大聲

我:「講真我冇所謂喎

我真係唔鍾意睇戲



所以從來都冇話想睇咩片

的而且確我中學年代係唔鍾意睇戲

覺得好悶

同埋戇鳩鳩坐喺度唔俾大聲叫

自自然然就冇留意有咩戲上映

雖然我喺屋企都唔係成日睇戲,

但係如果要我夾硬去選擇,

我寧願喺屋企



不過佢叫到就算啦屌

芊靈:「真係我話事

一陣如果覺得悶唔好又賴我呀

你自己話我話事咋

我:「得啦屌

跟住佢去咗睇一陣

芊靈:「二揀一



鬼片定係愛情片

我:「唔睇鬼片

芊靈:「驚呀

我:「唔係喎

我知你驚丫嘛

芊靈:「痴線點會

我:「買囉排隊囉去囉

芊靈:「去囉排隊囉

我:「你唔行

芊靈:「你又唔行

我:「我等你行先丫嘛

芊靈:「咁啱嘅我又係喎

我:「唉屌算數啦

其實我好撚驚睇鬼片

芊靈:「其實我都係

所以最後我地決定睇愛情片

跟住就俾佢話事

因為對我嚟講睇邊套都冇所謂

我嘅螢幕係隔離嗰個而唔係前面嗰個。

買完之後就喺度等入場

原本我以為佢買爆谷又或者偷雞買野入去飲

點知佢話唔鍾意一路睇一路食野

佢話咁樣自己會分心

芊靈:「有咩咁好笑

我:「屌你係人嚟架

食個野都分心

芊靈:「唔得嘅咩

我:「梗係得啦點會唔得

你喎

做乜撚都得啦

芊靈:「你又唔買

我:「其實我都唔鍾意一路睇一路食野嘅

芊靈:「重以為有咩咁巴閉

咪又係一樣,



我:「咁招積

正當我又想搣佢面珠登嗰陣

佢隻手已經好快喺我耳仔側邊

重已經掂住咗

我:「點解你咁快

芊靈:「識咗你幾耐呀

咁都唔知你想點,

呢幾年就真係白費晒啦

我:「講真呀唔好扭落去呀

芊靈:「咁驚做咩喎

你耳仔好似有啲野咋嘛

跟住我隻手即刻就掂住佢隻手啦

因為佢其中一隻手擺咗喺我耳仔嗰度丫嘛

我:「唔該晒你

耳仔有野我自己整返得架喇

芊靈:「重諗住好心丫嘛

我:「唔使麻煩你喇

講咗一陣佢隻手重未放低,

咁樣自自然然我隻手都未放低

重係掂住佢隻手

唔係講笑真係好滑

同平時掂開家母嗰隻完全唔同

唔好意思呀親愛的媽媽

講啲咁嘅野

但係嗰陣我真係咁樣諗

芊靈:「做乜重唔縮手

我:「你又唔縮手

芊靈:「你掂住我

我縮唔到喎

我:「咁呀

你唔縮我都縮唔到

芊靈:「死人頭

最終因為行入去戲院嗰條路太擠迫,

佢隻手先放返落嚟行

都總算叫做掂咗一陣

毒撚少少野就已經可以ff啦