[真人真事][校園][純愛]《兩個我加一個妳》: 第九十二章

跟住我地九個人(唔計龍門) 全部人望住隊長

屏息以待

當哨子響起

隊長就助跑準備去射呢個12碼

佢都不負眾望咁樣入咗



成班人就梗係跑去佢嗰邊慶祝

順便拖時間

跟住返去中圈開波踢咗一兩分鐘就完場

最後我地贏2比1

當然啦，



踢完之後返去更衣室個途中

對面隊有幾個都行過嚟

當然都係望住我

講嚟講去都係講我插水

「屌你咁撚驚跌以後唔好踢波 」



「收皮啦賤精 」

「俾咗幾多錢收買球證呀 」

老實講我完全唔會理

第一我梗係驚如果我還口會俾人打啦屌

第二喺球場上面我就係想贏啫

喺勝負面前我從來都冇道德可言

可能真係我道德水平比較低

所以如果睇緊嘅你地都鬧我的話，



我係完全唔會否認

更加唔會反駁

因為嗰下的確係冇必要跌

只係我覺得唔跌嘅話未必贏到咁解

幾時問我我都係會咁樣答

即使依家好天方夜譚咁樣再經歷一次，

嗰一刻我都係會插水



跟住我地返到更衣室

Cyrus:「屌你啱啱真係睇撚住你特登踢落去 」

我:「戇鳩唔係咁樣點樣贏 」

Cyrus:「冇話你有問題呀 」

我:「叻仔 」

跟住坐低檢討返啦，

循例都話大家踢得好咁樣

大家都好似好開心



係咁喺度叫囂

講多陣就解散，

冇幾耐隊長行埋嚟

隊長:「下次真係唔好咁

唔係真係成日都咁好彩 」

我:「我就係想贏啫

依家贏到我唔理用咩方法 」



隊長:「咁都係啫驚你俾人鬧 」

我:「傻嘅對面輸波梗係要發洩

同埋我唔會理佢地講乜

你敢唔敢擔保如果我唔跌都一樣可以贏

我同你都唔敢講啦，

但我就係知依家贏咗 」

隊長:「係嘅係嘅

大家都好波呀今日 」

因為呢個隊長其實唔算好強勢嗰種人

所以敢咁樣同佢講野

同埋睇佢個衰樣咁撚開心

講野放啲唔緊要嘅。

跟住成班就準備走

諗住去食啲野跟住返屋企打機

離開咗更衣室準備行出去門口嗰陣

Cyrus:「你唔使嚟食野喇

有人等你呀 」

跟住我望咗一望觀眾席嗰邊

就見到芊靈坐咗喺度

Michelle同埋呀宏兩個就走咗

我:「咁我唔同你地食喇

今晚打機 」

Cyrus:「有邊一晚唔係

今晚打機啦屌 」

跟住我就一個人行咗過去搵芊靈

我:「做咩一個人喺度呀 」

芊靈:「你就威水啦今日

做咗焦點喇 」

我:「係咪想屌柒我

講真揀多次我寧願俾人鬧都一樣會咁做

唔好同我講乜野體育精神

我唔知咩嚟

我淨係知贏同埋輸 」

芊靈:「乜你淨係想俾人鬧咩 」

我:「唔緊要啦咁多人都鬧

多你一個唔多少你一個唔少 」

芊靈:「我冇話想鬧你喎

你嘅做法我唔評論因為我唔識踢波

不過頭先我淨係見到一個好少見到嘅壹仔 」

我:「下 」

芊靈:「你呢個人

平時成日嬉皮笑臉，

唔鍾意俾人見到自己認真嘅一面

所以成日都嘻嘻哈哈

不過頭先我淨係見到你跑上跑落

又會因為扭唔到人而抱怨自己，

我重見到你搣自己大髀呀 」

我:「頂你你嗰隻咩眼嚟

咁你都見到 」

芊靈:「咁

我唔識踢波呀嘛

咁咪淨係睇你地啲肢體動作囉嘻嘻 」

我:「痴撚線咁都見到 」

芊靈:「同埋你啲戲都真係幾唔錯

係咁喺度叫同埋揞住自己隻腳 」

我:「搞錯呀我俾人剷你就讚我好戲 」

芊靈:「原本我都驚你唔知有咩事

但係冇幾耐見你企起身就知你頭先係扮野

企得幾直 」

我:「我冇唔認

我都係想贏啫 」

芊靈:「咁我都見到你好想贏 」

我:「走喇食野咯 」

芊靈:「好

不過食野之前食粒糖好唔好 」

我:「梗係好啦屌 」

跟住佢就拎咗一粒橙色二寶出嚟

芊靈:「俾你嘅

冇呀我得返兩粒咋

你一粒我一粒就食晒 」

跟住我見佢隻手揸住一粒黃色嘅二寶

我:「你唔係唔鍾意黃色咩 」

芊靈:「咁我見到頭先有人咁落力去踢波

咁咪施捨一粒橙色俾佢囉

冇咁多機會呀唔好嘥咗佢呀 」

我:「傻嘅

識食一定係食黃色 」

芊靈:「唔要就俾返嚟 」

我:「梗係俾返你啦屌

點會唔食黃色

咁好食 」

芊靈:「你就真係唔識

明明橙色好食咁多 」

我:「話咗你唔識欣賞

不嬲都係食黃色 」

跟住佢嚟手就將一粒橙色啪落個口

芊靈:「傻嘅你唔食我食 」

我:「識乜野丫你 」

睇見佢食得咁過癮，

應該唔會發現到，

我靜靜雞將粒黃色嘅二寶擺落個褲袋入面

等我今晚做下孝子，

益下老母先