[真人真事][校園][純愛]《兩個我加一個妳》: 第一百零三章

芊靈:「係喎到你送喇喎

唔好喺度側側膊 」

我:「你都痴線我使扮野 」

芊靈:「點知你呀成日都扮野 」

我:「登登。



芊靈:「唔好學我呀

邊有你叫得咁衰 」

我:「痴線使學你 」

芊靈:「咩嚟架 」

我:「你打開睇下咪知囉 」



跟住佢就打開

芊靈:「嘩kurumi公仔呀

好靚呀多謝 」

我:「見你嗰日眼定定呀

就知你鍾意啦屎忽鬼 」



芊靈:「er 」

我:「做咩

有屁就放 」

芊靈:「應承我講出嚟唔好介意喎 」

我:「做咩呀 」

芊靈:「應承咗先啦 」

我:「應承 」

芊靈:「搞錯呀你咁冇誠意架



手指尾手指尾手指尾 」

我:「屌你真係搞鳩我啫 」

芊靈:「講咁多咪又係拎咗隻手出嚟 」

我:「見係你咋

第二個睬佢都傻 」

芊靈:「真係唔好介意呀

都係你問到我先講咋



其實呢我嗰日係睇第二個

不過算啦唔緊要呀呢個都好靚呀 」

我:「唔係話你講笑咋話

你嗰日睇第二個咩 」

芊靈:「嗯 」

我:「我嗰日行到去問佢邊度有kurumi

跟住佢就俾咗幾個我

我見呢個最貴咪買呢個囉



咁啱又好似有啲似你嗰日見到嗰個 」

芊靈:「我嗰日睇嗰個有巴庫架 」

我:「巴庫係乜撚

你唔係淨係鍾意kurumi咩 」

芊靈:「唔係呀其實我好鍾意巴庫架

勁得意呀真係

咪即係紫色嗰隻囉 」



我:「原來你鍾意嗰隻野架

屌啦我以為佢係契弟我冇要呀 」

芊靈:「邊個係契弟呀 」

我:「唔緊要我即刻幫你返去換

我真係唔知你鍾意嗰隻野呀 」

芊靈:「唔使呀

點講呢個都係你送嘅禮物

又唔係爛咗無啦啦點解要返去換喎 」

我:「咁你唔鍾意丫嘛

都唔係你嗰日睇嗰隻

又唔見咗紫色嗰隻野 」

芊靈:「都冇話過唔鍾意

唔係呀睇睇下又幾靚呀 」

我當然知佢係喺度講緊安慰說話啦

講真嘅，

我個刻真係好嬲自己

點解咁撚樣都唔知

明明成日同佢一齊，

嗰日重係睇住佢入去

竟然咁樣都買錯公仔

就算佢喺度點樣鬧我，

話我廢柴，垃圾乜乜柒柒，

我都真係冇乜怨言

因為的確係自己做咗戇鳩仔

嗰一刻我淨係想同佢講三個字啫，

其實呢三個字好易個個都識講

但去到真係要認真講嗰陣，

唔知點解好難講出口

明明平時打機成日講sor鳩sor鳩

去到真係要認真講嘅時候係兩回事

當然啦難開口都係要開口

我:「sorry呀今次

真係唔好意思」

芊靈:「痴線冇野喎使乜講對唔住

我愈睇愈鍾意呀 」

我:「要嘅今次係自己衰

咁都留意唔到 」

芊靈:「慣咗你都係大頭蝦

唔大頭蝦嘅就唔係我識嘅xx壹(我全名)啦 」

我:「屌 」

芊靈:「真係內疚呢就同我坐到去尾站

好想飲珍珠奶茶呀 」

我:「屌原來係咁簡單

請埋你都得啦 」

芊靈:「你話架

唔好走數呀 」

我:「得喇 」

以前讀書年代真係輕鬆，

一杯珍珠奶茶就搞掂

大個之後，

人與人之間隔膜真係厚咗

好唔想去承認，

不過唔到我否認。