[真人真事][校園][純愛]《兩個我加一個妳》: 第一百二十章
我:「你隻手好閃下喎
」芊靈俾咗個似笑非笑嘅反應我
我:「做咩咁嘅樣呀
開心野嚟喎
」芊靈:「嗯
其實都想問你嚟唔嚟到我個婚禮
」我:「恭喜晒喎
幾時嘅事呀
」芊靈:「呢句
係真心說話
」我:「梗係啦
我個樣似講假咩
」芊靈:「唔知你喎
對住你，
從來都係好難去猜測
」我一定要keep住講野
如果唔係氣氛好老尷
我:「總之就恭喜晒啦
咁耐冇見
一見返就同我講結婚，
我都俾你嚇一跳呀
準新娘
」芊靈:「痴線唔使咁叫啦
我都唔係好慣哈哈
」我:「點都要慣架
時代唔同咗唔通重好似以前咁叫你咩
」芊靈:「都係一個稱呼啫
點叫我咪一樣
」我:「特別呀你知你唔後生啦
26喇姐姐
差唔多架喇
」芊靈:「唔好講到你唔係26喎
你呀，
都係遲我三個月咋
重有26好老咩
」我:「梗係啦依家我都變咗呀叔喇
重好似以前咁咩十零歲
」可以嘅話我寧願冇長大，
不過現實唔可以
我都唔止講咗一次，
世界從來唔會為任何人而停低
邊個都唔可能例外
芊靈:「細我三個月就喺度扮晒野
同你講呀唔好咁招積呀
」跟住我睇到佢隻右手郁咗一秒
不過好快就停咗
冇記錯嘅話佢呢個手勢係想伸過嚟扭我隻耳仔
以前試得多所以好清楚佢啲動作係點
不過唔同嘅係，
呢刻未伸過嚟嗰陣就已經收咗手
不經不覺真係改變咗好多
當然我都識做冇講出嚟，
詐唔知算
我:「係係係
我錯喇準新娘
」芊靈:「咁你嚟唔嚟呀
」我:「邊日呀
」芊靈:「1月13
」我:「等我望一望schedule先
」跟住我就即刻拎部iPhone出嚟，
打開咗一個一片空白日曆，
同時間個腦不斷喺度諗，
究竟要點樣講好呢
我:「講真真係唔好意思
嗰日要同Cyrus佢地去旅行
又唔早講
一早講我咪叫佢地揀第二日
」芊靈:「咁呀
唔緊要啦都係想通知你啫
」我:「不過你放心
人唔到，
手信都一定會到
」芊靈:「多謝喎咁樣
」我:「你以為我hea鳩你
」芊靈跟住喺度笑
我:「無啦啦笑乜野
」芊靈:「冇我諗起城大反枱嗰條友啫
」我:「好撚戇鳩呀
咁都諗到
」芊靈:「鬼叫你講得衰呀
你唔講粗口呀我咪諗唔到囉
」我:「究竟有幾無聊先至會記得啲對白呢
」芊靈:「睇咗幾次咁啦哈哈
」我:「屌講返正題先
真係會送禮物俾你
警告你唔準唔要呀
」芊靈:「你送喎打死都要啦
不過唔好咁貴喎
」我:「你同我定啦
呢啲野一世人得一次，
站在朋友立場識咗咁多年，
送貴少少都應份啫
況且咁耐冇送啦係咪先
總之唔準唔要啦
」芊靈:「咁多謝啦
」我:「你老公係邊個嚟架
」芊靈:「佢係我daddy啲friend個仔嚟嘅，
其實識咗好耐由我離開香港嗰陣已經識架喇
」我好想問係咪因為雙方家庭先至結婚
不過最後選擇都係唔問，
因為我淨係知佢好快會做人地老婆
既然係咁嘅話，
因乜而結婚又有咩咁重要
我:「係咪好靚仔架
」芊靈:「哈哈差唔多啦
同你相比你靚仔啲囉
」我:「屌講呢啲
」芊靈:「我都係跟你學野啫
」我:「好假囉好冇
」芊靈:「係咩我覺得你假啲喎
」我:「拍咗幾耐呀
」芊靈:「真係拍拖咪三年定唔知四年囉
」我:「咁你都唔記得
」芊靈:「老喇依家哈哈
好似以前記得咁清晰咩
不過依家睇愛情同以前少女嗰個年代完全唔同
」我:「正常啦過咗咁多年
有幾多野真係一成不變
」芊靈:「你又啱嘅，
細個嗰陣覺得鍾意咪一齊
同你行到最後嗰個，
就一定係自己最鍾意嗰個
不過原來真係好多野唔係一定架喎
」我:「少年你太年輕了
」芊靈:「咁我咁樣諗嗰陣真係細個丫嘛
大個咗梗係知唔係咁啦，
結婚唔係兩個人嘅事
唔同以前中學嗰陣，
可以單憑自己感覺行事
」我:「係咩
大個咗自然有顧慮
唔可以好似以前咁樣，
想點就點
」芊靈:「知唔知你呀以前幾蠢呀
提晒水你都唔知
」我:「頂你嗰啲暗示有邊個會估到
」芊靈:「點會估唔到呀
嗰張生日咭我特登畫咗一格格，
嘥咗咁多時間畫就係想你易啲明
點知你蠢到死咁都估唔到
」我:「唔係講笑我真係估唔到
隔咗咁耐不如開估啦好冇
」芊靈:「你由第一個字嗰度
一路沿住右下咁樣睇咪知囉
五點鐘咪就係呢個方向
」我:「仆街啦估到嗰個都係痴撚線
玩啲咁嘅野呀
」芊靈:「我都係學你咋
你知你幾多iq題
點知你識諗唔識估
係喎依家重有冇呀
」我:「冇喇
退化喇個腦重邊度諗到咁多
」芊靈:「痴線我以前一問你就有
依家冇咁樣識女仔咩
」我:「個個似你咁靚咩
我唔係係女仔都撩架
」芊靈:「痴線
」同當年一樣，
每次一講呢啲野嗰陣
佢個咀都會輕微郁向右邊
哈哈個小動作真係一啲都冇變
我:「你唔喺度
我諗嚟俾邊個估
」芊靈:「係咩
」我:「梗係啦
同埋真係想同你講句對唔住
」芊靈:「做咩無啦啦講對唔住
」我:「你臨上機嗰日我落咗去
即時睇唔到你嗰段留言，
呢句對唔住等咗好多年終於可以講
」芊靈:「係咩
我都唔係好記得嚕
況且都隔咗咁耐唔緊要啦
」我:「要嘅要嘅
」跟住大家繼續喺度話當年，
其實我唔係好想講返以前嗰啲野
特別係對住佢嘅時候，
因為我要好努力好努力好努力先至控制到情緒，
控制完之後再要隱藏最真實嘅情感
其實真係好唔慣，
睇到佢依家咁大方講返出嚟，
原來咁多年都係得我一個放唔低
人地早就已經擺脫咗
唔想去接受不過偏偏擺在眼前，
點輪到我自欺欺人。
若無其事原來是最狠的報復