「短篇」「小小傻瓜，大大幸福」: 誕生
Cherry：「唉呀你唔洗成日係度啦，呢度咁多醫生護士照顧我，你唔洗擔心啦。」
我：「唔緊要啦，反正我都無野做，咪黎睇下d靚護士，順便探下你囉。」
無錯啦，Cherry已經入左醫院，而家好似只係等佢咩「作動」就生得喎，D女人同醫學野我唔係好明，不過醫生佢地話一切都安好，母子都健康我就放心。
雖然係放心，但我係佢入院既呢兩日都決定守係佢身邊陪住佢。
就好似我頭先講既咁，我無野做，得閒吖嘛。
不過講開又講，呢度真係幾悶下…得部電視機…仲要係得新聞台，唔怪得佢係度玩手指啦。
Cherry：「lulu啊…你諗好bb叫咩名未呀？」
啊係喎…都未諗添，不過bb係男定女都未知，即係要我諗哂兩邊名？
Cherry：「睇你反應都係無諗過架啦~~而家返去幫我諗下啦，唔好..吖！」
佢突然間嗌左出黎，嚇左我一跳，以為佢終於咩「作動」，唔係佢捉住我隻手既話，我差d就㩒左落個「呼叫」掣度。
我：「你點呀？做乜無啦啦嗌？係咪見邊度唔舒服呀？」
Cherry：「唔係…只係佢又踢我啫…仲要連續踢左幾下，好似打鼓咁…」
打鼓，聽到佢咁形容我地個仔女，我真係忍唔住笑左，伸左隻手去摸佢個肚，同佢一齊感受呢個新既生命。
我：「我諗個bb應該會好似你，活潑又可愛。」
Cherry：「我諗都係啦，似你就麻煩啦，又懶又難教~~」
我：「係係~你話咩咪咩囉~似你好~又靚又大食，係咪先~~」
一講完我既電話就響起，來電顯示話比我知又係偉大既晨哥搵我。
呢條友最近做乜成日搵我…？唔會係中途轉基掛？
就係我㩒下接聽鍵既同時，我既左臂突然感覺到難以忍耐既痛楚。
我望過去痛楚既來源，發現佢居然因為我一句說話就用盡全力黎咬我！！師父好撚痛呀！！
我痛到忍唔住係病房入面大叫，好彩係單人病房啫，如果唔係一定會打擾到人地。
係唔知會唔會引黎護士啫…
護士未黎到之前，電話另一邊既晨哥就已經率先關心我。
晨：「喂魯路修，無事吖嘛。」
我：「痛痛痛！！好痛呀！做乜突然咬我呀傻婆！」
呢句原先唔係打算同晨哥講，但居然收到佢既答覆。
晨：「啊你兩公婆玩緊呀，咁我唔阻你地啦，不過今晚我會同Jason
佢地一齊食飯敘舊，你都過黎啦，時間地點一陣Whatsapp比你。」
佢唔理人講完一大堆野之後就cut左我線，真係來去如風。
不過咁都好，我可以先處理眼前同手上既問題了。
我：「肯鬆口未呢老婆大人？」
係我既「求饒」之下，佢先終於肯鬆口，哇個牙印深到呢，咁都可以唔出血真係好野。
Cherry：「話我大食吖嗱！」
我：「係係，係我唔好，原諒我好無，唔好再咬我啦得唔得？」
Cherry：「哼，考慮下啦！話說係邊個打比你啊？」
我：「晨哥囉，佢叫我今晚同佢地食飯，不過唔去啦，去到肯定又要睇師父佢地發酒癲。」
Cherry：「唔得！你要去！呢排你成日推人地d飯局，好無禮貌架知唔知？」
我：「哎…咁等你生完之後我先再同佢地食咪得囉…我想陪住你吖嘛…」
啊，唔小心講左出黎添。
Cherry：「傻佬，我地日日都見架啦，去見下d耐無見既朋友，維持下大家既關係仲好啦。」
俾佢咁講一下，我又真係好似好耐無見Jason佢地…但我又真係唔放心佢一個係度…
Cherry：「咁啦，你係唔放心的話就叫家姐黎睇住我，咁咪得囉。」
係喎好主意！！點解我一直諗唔到架呢？我老婆真係聰明！！
我即刻打比美星，同佢講左事情既來龍去脈，意外既係佢一口答應，仲話即刻黎。
我：「佢黎緊架啦，不過就算佢陪住你都好，你有咩事都要即刻打比我呀知唔知？」
Cherry：「可以有咩事啫，你真係傻既。」
再陪多佢一陣，等到美星黎之後我先走，臨走前我仲專登比左個Goodbye Kiss佢，令自己安心d。
結果同我諗既一樣，出到黎野食都未上到一半，除左我同晨哥之外既所有人都已經醉左。
吖…真麻煩…早知就留係醫院喇。
不過唔知點解，見到佢地我就一直笑唔停…
師父：「飲！繼續飲！！我地今晚不碎無歸！！」
肥豬：「好！！不碎無歸！！」
咩不碎無歸呀…你兩個係咪已經醉到傻左？
佢兩個旁若無人不停互隊，好似當左支啤酒係水咁，一支接一支。
Jason雖然無佢地咁誇張，但都已經滿臉通紅，好似一個熟透左既蕃茄。
成班都癲癲喪喪…
晨：「你扮到好似好嫌棄咁，但係你其實就好開心，唔係咩。」
喂屌，我好肯定自己無講出口架喎，你唔係真係識讀心呀…？
不過，佢講得啱既，雖然眼前呢班柒頭係我面前醜態盡露，但見到佢地我就真係收唔起笑容。
好多中學個陣既回憶都湧哂上黎，同而家一樣，全部都係一件又一件on9野。
我：「嗯，你講得岩。」
希望個仔女大個左之後唔好遇到呢d豬朋狗友啦，害一世架。
之後大家邊食邊傾，內容都係圍繞大家既近況。
我唔知點解咩都唔洗講大家都知道我呢排搞乜，好似有人幫我手upload近況上fb,ig twitter咁。
Ive三傻呢，就繼續單身，師父仲話自己要做超級大法師。
至於晨哥，我諗都唔洗多講啦，佢依舊風生水起，只係…好似唔係幾開心咁。
Jason：「喂晨哥…點解你突然約我地食飯，仲約得咁急今日先打黎，係咪有咩事？係就唔怕講喎。」
嗯？我仲以為係一早就約好左既添…？
晨：「嗯？啊…無呀，突然掛住你班傻仔，咪約你地出黎食下飯囉哈哈哈哈！無乜特別既唔洗在意！」
唔…？晨哥居然會慌…？有d奇怪喎…而且我仲睇得出佢講緊大話…
以晨哥既家底一定唔洗問我地借錢啦，就算係要借，都唔輪到走黎問我地呢班窮鬼借啦？
咁到底係咩事呢？死喇刺激到我既好奇心添，好想知晨哥因乜會咁急叫哂我地出黎。
因為呢個好奇心，我都無辦法好好專心係個飯局上面了。
唔通係感情上既問題？應該唔會吖，佢仲話過想同阿欣生小朋友。
唔係錢又唔係感情…咁到底會係咩事呢？
晨：「喂喂喂，你唔好係咁用個種眼神望住我啦，好啦我認啦，咁得未？」
仆街啦，諗得太入神，連自己一直望住晨哥都唔知添。
晨：「其實除左掛住你地之外，今日我都係受人所托先約你地出黎，主角仲要係你呀魯路修。」
「你老婆Cherry唔想你太擔心佢，所以想我地引開你，我諗呢個鐘數佢應該入左手術室啦。」
！？
「你快d返去醫院啦。」
洗撚你講！！