[穿越] 執房嗰時搵返部Sony Ericsson推蓋手機: 17.

為了今天燒烤，我們都沒吃早餐，餓到不行，所以不消一小時，已經吃了一半的食物。

時間尚早，我們決定先玩一會，再吃掉餘下的食物。

而增進友誼的最佳遊戲，必定是——

「True or dare！大家識玩㗎啦，重覆轉到同一個人要再轉過，無問題就開始！我轉先我轉先！」

帶領遊戲的Jessie是一個陽光型女生，一身健康膚色，長得也高，目測165，很擅長帶動氣氛，亦是唯一一個聽到謙少的無聊笑話後能給反應的人，對此我相當佩服。





「Wuuuuu第一個係...允健！True or dare？」

「True！好似穩陣啲...」

「你咁諗就錯喇，哈哈！不過我地由淺入深先，請問，你鍾意嘅女仔係唔係呢個圈入面嘅人呢？」

允健的臉一下子變紅了，不敢正視我們。

「係...」





「咁細聲，大家聽唔聽到先？」

「聽唔到～～」

「係！係呢到！」

允健鼓起勇氣叫出答案，不經意地看了清清一眼，便立刻轉動瓶子。

「下一個係...謙少！True or dare？」





「係男人就應該揀dare！」

「咁...你扮狗叫啦！」

「喂！你識唔識玩㗎！」
「扮狗叫要咩膽量，你講！」
「汪！汪！我叫比你聽又點話。」

肥仔面無表情的吠了兩聲，惹得我們一邊大笑，一邊罵着允健說的所謂dare太弱了。

「呢啲咁簡單嘅我謙少不屑一做，不如Jessie幫我諗下啦，咩都得！」

不用腦想也知道，謙少對Jessie有興趣，想博得紅顏一笑吧！

「Ummm...咁你去搵我地班紅姐，同佢講：肥婆，燒隻雞翼比我食！」





「黑面神紅姐？」

謙少面有難色，看來只能在美人面前出糗。