She's out of my life (真人真事!): 4
係某一d時間,我發覺佢轉過個states幾次,全部都係我offline ge時候
例如我同fd出街,陪fd出去打機
我發現有幾句我真係完全唔知點解
"600 days"
"XXX(第二個男仔名),我嬲死你\"/"
"消失的下雨天 我好想再淋一遍"
我愈諗就愈絕望,大概估到咩事,但就唔敢確定
咁我就即刻將XXX呢個名去做下reserach,結果比我查到呢個男仔同erica係同班同學...
咁謎底都即刻解開左,原來XXX就係erica所以ge前男朋友,實情係佢地根本仲一齊緊,無分開過,,
600days當然就係講緊佢地600日,第二句擺明就係同佢耍緊花槍,第三句就緊係erica掛住佢同xxx d唔知咩
回憶,值得一提就係呢幾句多數都係半夜時間先轉
咁我就諗緊點會咁怪,多數都係傾完電話之後果d時間先轉,竟然味訓?個男仔又會咁夜先搵佢?
朝早陪晒我個男仔唔會覺得怪?點解咁多疑點?
不過唯一肯定就係....一個從味認真對待過愛情ge我...今次一認真一訓身...就中伏做埋第三者
係講之後發生咩事之前,我要介紹下兩位朋友同重要人物
阿威:呢個朋友雖然到依家只係認識左2年多d,但佢對我真係好好,而且我地好玩得埋,早排佢有感情問題就我
陪住佢去顛去玩,到我果排有感情問題佢真係半夜出黎陪我唱k打機飲酒,我地可以話所有心事都同大家講,
難得ge一位好兄弟,可惜目前已經去左紐西蘭讀書
paco:呢個就係我後尾發現果個男仔,亦即係erica果位男朋友,佢有咩料?
家底我諗都成億,讀書運動都好西利,當然同erica一樣係讀名校,個樣真係幾有星味
唔想認都要講句,佢真係幾靚仔,我諗都算佢果級ge級草,又大隻,總之好完美,基本上真係電視劇先見
到呢種人,唯有美中不足就係佢好似唔過170
咁我即刻就打比阿威講呢件事,果時4點幾差唔多5點
我=
威=
:唉頂,我終於自己搵到個原因,依家個心好撚痛好辛苦 :唔係掛,我依家係旺角,你唔好亂黎,我依家搭的士飛過黎 :快d,我真係就黎頂唔順 事後我將果幾句野copy左然後sd番比erica....然後我覺得再坐係網吧到好辛苦
可能因為係自己一步步咁推出黎,真係覺得好似自己殺緊自己一樣
然後無幾耐阿威就黎到網吧接我,我地去買左4支500ml喜士伯就去網吧後面個公園仔坐
:我仲認為我感情路行得唔好,以為你會順順利利,點知你又搞成咁 :屌,我依家比死更難受 :仆街你又話佢好純好乖讀名校ge?搞乜佢會做埋呢d野 : :咪喊啦,最多我請你打機啦 :屌你我唔要打機阿,我正係想要佢炸 :其實我覺得佢好過分,不如你依家就打去同佢對質 :下?咁早?6點咼大佬,人地都要訓架.難得星期六 :就係因為放假先打去,唔通等佢出街番學先打? 咁我就聽阿威講,係25號之後第一次打過去...頭2次都無人聽,去到第3次...
:咩事?你做咩咁早打黎?你傻左阿? :(把聲好沉)你自己睇下你msn我打左d咩比你 然後我隨手就即刻cut線.................
一陣間都無,erica即刻打番過黎
:下,你知道左勒?對唔住阿,我唔係有心呃你架,我都無玩你架,我果段時間係認真架,不過最近佢番番黎 香港,我先覺得咁樣係唔岩,所以想同你搞清楚
:咁何解你初頭又要我咁認真,你玩完之後就想同佢認真番?你有無諗過我感受,你一早同我講你有男朋 友咪得囉,做咩要呃我,你講你有男朋友我實唔會同你咁認真,仲出埋黎,行埋拍埋拖
:對唔住阿..你唔好咁啦...你去識過第2個啦 :講就易啦,我唔似你,我真係好認真,點會似你咁快抽離到,老老實實,之前我已經發覺你係咁變,就係因為 個原因?上次你話掛住ex,亦都係佢番左黎香港?
:係阿...其實佢6月尾番左黎香港一次...然後佢8月又番左黎一陣,每次佢一番黎我個心就好亂 覺得對佢唔住...所以態度就變晒
:唉,我估唔到你係d咁ge人,我仲以為頭幾個月都叫做熱戀期,原來都係假像,算啦,我都唔想再亂入呢段 感情,以後做得到朋友就做,做唔到就算啦,不過我最後有個請求
:係咩?你講啦....... 你可唔可以accept我fb個交友請求?以後就算我掛住你都可以睇下你近況 :唔得 :點解到依家都唔得? :我唔想將呢段錯誤放入我個facebook入面 聽到呢句,我當堂呆晒,一段我咁緊張,咁認真ge愛情佢竟然用"錯誤"呢2個字黎形容,
補番少少,由於佢果日病左,所以講個電話都係咁咳,同埋我電話好大聲,阿威係隔離係聽到晒
:你覺唔覺得你好過分....... :對唔住,但我真係唔想add你....咳咳咳咳咳咳咳咳咳咳咳咳咳 :算啦咁....你記得乖乖地飲多d水,然後休息多d...早d病好... 係呢個時候....阿威突然發顛.....
:(大叫)我屌你老母,你以為自己邊撚個,facebook到依家都唔撚add,咩錯誤?你知唔知自己講野 好撚過分?我係則邊聽都聽到紋,你咁過分都算,估唔到ckf(其實呢個就係我個名,個個都咁叫我)
仲戇鳩,你咁樣對佢佢都仲叫你飲多d水多d休息,唔肯add就唔撚洗add,我叫我個外國fd 3分鐘就
hack入你acc,收線,咪撚再講落去
係呢個時候erica即刻回應,
:你可唔可以叫你個fd唔好咁做? :我都唔想再講,我好唔開心 然後我就收左線
估唔到阿威咁樣講一講,我番到屋企無聊禁下facebook
erica竟然accept左我,咁我就緊係即刻睇下先啦
無咩特別,但真係比我見到佢同paco果d合照,又真係幾襯,
原來佢地拍拖就己經係公認ge事,全校都知咁濟
我都無撚野好講,繼續頹住咁生活落去
呢段時間我真係無咩點再搵佢,希望自己可以忘記到佢
可惜個事實係我日日都諗住佢,根本無心機去做任何野,連野都食少左
咁我無記錯有一晚,應該係十一月十幾號啦,果晚我一樣係網吧打機
不過打到12點幾就諗住番屋企,番去途中我唔知發咩神經,一拎起個電話就打比erica
:喂,你可唔可以陪我傾一陣?我自己一個番緊屋企 :喔,好啦,做咩你無啦啦搵番我 :我一直都好掛住你,但知道我搵你實會唔中意,依家陪我傾陣得唔得? :其實搵我又唔係唔得ge,但就唔好好似以前晚晚傾電話囉, 然後我唔記得大家傾左d咩勒,總之都叫有講有笑番
你問我點解仲鐘個頭落去?我都唔知,我只可以講我真係掛好愛佢,甚至想包容佢一切
奇跡地,我地竟然開始晚晚傾番電話,仲開始愈搵愈密
我記得十一月第2個星期我仲陪佢去mk check眼行街,已經去番以前果種感覺同階段,但我唔敢相信會變
好得咁快.
我記得11月第3個左右,我無啦啦病左,係咁咳,但係我例牌唔鐘意睇醫生加食藥,我硬係覺得食完藥個人
無晒精神.咩都做唔到
佢成日叫我睇醫生/買藥食我都唔理佢
結果有一日佢放學之後話要買藥過黎比我食
我心諗佢點會山長水遠走過黎買藥比我食,我就答佢你會過黎先算
結果佢無幾耐打比我話係西灣河站應該咩出口最近屈銀紙
我即刻嚇親,換件衫就即刻飛落去果邊搵佢
一去到我就見到佢傻更更咁向左行又向右行.我就走去問佢咩事
:喂,你低b架?真係過左黎,你向左行又向右行做咩? :我唔知屈銀紙係邊阿
諗住打電話問同學 :係果邊阿,唔洗勒,我自己買啦 唔制,我黎到就係特登要買比你食
結果佢真係買左.仲成日check住我有無食藥,我個心真係甜到痴線,我咁大個仔味試過有個女仔肯做埋
呢d野黎tum我食藥,盒我都味掉....因為我覺得真係好難得,簡直係無價寶:
然後我地一樣繼續晚晚傾電話,又ps下咁
每星期又keep住出1-2次街,雖然好開心
但我硬係覺得好快又要變,至少我一定避唔過x'mas paco番黎香港(前面唔知有無提,paco係英國讀緊書)
我一直唔太敢問到底paco幾時會番黎香港..因為我怕破壞依家keep住咁好呢種關系
大概去到十二月頭又有事發生,
有一日我記得erica放學同我講同d同學去行city super撞到王碗之,後尾無幾耐之後佢打黎同我講左d野
:我好唔開心,我唔知點做好 :下,做乜?你岩先話見到王碗之好開心炸咼,你唔會係拎唔到簽名唔開心掛? :我爸爸媽媽話要離婚 :下?咁突然?你中七就黎要考AL先搞埋d咁ge野? :我唔知點做好,我唔想番屋企 :痴線,你依家同我即刻番去,番到去慢慢傾 等佢番到去之後我地再繼續傾,然後大概知道咩事
人地家事我唔想提咁多,我只可以話佢阿媽幾貪錢下,而佢老豆就真係好錫佢地2姐弟,仲有好忍得
我做旁觀者只可以教erica點樣勸佢阿爸企番起身,教左佢成晚,最後我諗佢唔多唔少都有同佢爸爸講番
等佢爸爸知道仲有個女支持緊佢(佢家人唔知我存在)
然後十二月真係呢,每日放學佢都想我去陪佢咁濟,佢無啦啦話想玩灣岸,想渣下車,我放學就即刻出到
全灣陪佢玩,又有一日佢又話想食三文魚,我放學又即刻仆過去請佢食,雖然辛苦,但我覺得好開心
先貼下12月13號同佢去打機d相:
呢2度都係全新天地果邊
我都係第一次去果邊,感覺上好靚,都幾多野行,唔錯唔錯
之後我記得係12月17號啦,佢又叫我放學之後去陪佢咼
咁我就問今次去邊啦.佢話想去十大書坊同我一齊睇下書傾下計咼
我即刻say no,我話我唔想山長水遠去到睇書
後尾佢同我講話,果到係睇漫畫,同埋有書睇
果刻我先知原來十大書坊係睇漫畫仲有電腦用
咁係十大書坊真係幾好,十幾蚊一個鐘,有電腦玩下,又有咁多漫畫睇
起初都好地地,佢睇佢ge書,我用我ge電腦,但過左陣我開始覺得悶
就係咁抽水,邊到都摸下咁啦,佢面都紅晒好得意
然後我地去左下面新開果間唔記得叫咩勒,總之去左食dinner啦
之前有唔知巴打定絲打話過睇埋佢幫我影果d相會真實d,咁我唯有貼一張出黎啦:
食食下我總於忍唔住問佢paco幾時番,結果佢話我聽係12月19號
我個心即刻荒左一下,唔係掛,得番2日咁大把?
:2日之後我地應該就完lu,到時你又唔知會變成點 :唔會阿,唔會變架勒 ,我會keep住晚晚搵你啦,依家咁開心你唔好又sad啦 :就開心埋呢2日,2日後我地就各行各路啦 : :都唔知你sad咩,係都我sad,你再扁咀我係呢到抽你水 :你敢!咁係19號黎到之前,我不斷同佢講我我係19號之後會自動消失,唔會比佢再搵到我
但佢呢排就日日都sd "miss you><","唔準消失","LG,muah<3" ,呢d msg比我,我收到固然開心
但我一諗到12月19號paco番我就成個人灰晒....
12月18號,果日我就話係最後一日同佢出街,結果我地去左全灣行街食飯,
全程我地2個隻手都拖到實一實,我諗大家都唔多想提聽日ge來臨
同erica食飯果時,佢無啦啦咳得好西利,起初我仲叫佢用手姐住個口
結果我發覺唔對路,佢對眼愈咳愈紅,仲咳左好耐,然後無啦啦喊左
原來佢咳得好大力,搞到成個上身都好痛,我睇住佢咁樣喊出黎真係心痛到跳舞
結果就同佢去藥房買藥食,佢一食完即刻無咳,仲即刻笑住咁望住我,
果個表情真係殺死我,到依家都記得,眼淚都味抹去加埋果個超甜美笑容,我個心已經比佢溶化左
最後我地去左綠楊新村果邊間m記坐,佢仲送左個書籤比我
:erica,就黎11點,你都準備去搭車,費時太夜番,你聽日仲要考 ielts :我想陪多你一陣阿 :醒下啦,佢聽日就番勒,我咁有決心你就成全我啦,你tum多我2tum我就會痴實你,到時你就甩唔到身 : :白痴唔好喊啦,黎啦,我送你去等車 :我要搭尾班車12點 :咁夜番你屋企人實鬧死你,依家就同我落去 就係咁我硬拉左佢落去等車,車黎到lu
:再見勒老婆,i love you :你咪好同我消失阿 然後我就on撚99咁自己搭全灣線尾班車番筲箕灣