She's out of my life (真人真事!): 17
其實自從出完呢次街之後我都覺得我地感情好左,咁係我地傾msn果段時間,我都終於問到佢幾時要走
佢果陣答我係9月17號,但話咩簽証果d味搞好,分分鐘仲要再遲d先走,
咁我真係好唔捨得,就問佢可唔可以同我出多黎2次左右,起初佢唔肯,後尾一話請佢食壽司佢即刻就話ok
仲話不如交換禮物tim,我果下好開心,因為好耐無收到佢ge禮物,而我都諗左好耐,終於諗到要送咩比佢
咁我又諗住最尾一聲想同佢食豪d,結果就留左成千蚊諗住同佢食晒佢,等佢開心番晚
咁係最後一聲飯之後我地又出左去,呢一日係8月26號
我地約左去始創果邊間和花亭食野,老實講我覺得erica真係愈黎愈hea,佢今日又係著得好樣衰
不過算啦,最緊要都係見到佢,咁我地食完之後就係始創行左陣,最尾大概9點半到啦,我都要走
我就同佢講,不如陪我搭巴士番去....佢初頭話唔好,後尾tum多2tum佢就應承左我
咁係行去途中,我終於忍唔住拖住佢隻手,結果佢都無彈開,照比我拖實
果個心情好難易容,好懷念,佢隻手仔真係好細好滑,好舒服
去到巴士站先話其實成晚個肚都痛痛地,咁見到佢咁樣唔通仲迫佢陪我咩,所以我都放佢走勒
點都好,今晚我好記得,8月26號,我終於拖番erica隻手,係番去途中,我地仲sms住tim...
我亦好期待星期五出黎同佢食最後一聲,好期待交換禮物
故事已經接近完結
咁我地一路都好地地咁相處落去,咁我好記得9月7號
呢一日我都開始要照常番學,咁係番學途中,竟然收到erica ge sms,
真係好神奇,erica竟然會主動sms我,佢問我今日番學班新同學點樣
雖然好普通,但係之從呢單野發生之後佢真係好少會主動sms搵我傾計
由於我都想開學專心d,就同佢講今晚番去傾電話再慢慢講佢知
由於佢話佢今日要同阿媽出去買野,所以我放左學都廢事打比佢阻住佢
(順便一提,我唔知erica係佢屋企人面前講過d咩,佢屋企人依家當我殺人犯咁睇,erica每次出門口都問佢
係唔係同我出,話千其唔好,仲叫erica小心番屋企果陣會比我跟到,當我危險人物咁,我好撚心痛)
咁我又累咼,所以番到屋企就諗住訓陣,醒番12點幾我諗erica都會番到去on msn
結果我11:30醒啦,一睇個電話就見到erica係11:20分 sd左個msg過黎,(我跟番個sms打番晒出黎)
: Sorry i was so afraid in this week of telling u this----i'm leaving tonight.... sorrysorrysorry>< just couldn't say it out before.....hope u can take urself la bb!!!!
i will find you when i had arrived, ho la,bye-bye laaaaaaa><
我一睇到之後成個人呆撚左,做乜鳩,然後我即刻打過去,可惜一切已經太遲了
電話已經不能接通,果陣我覺得成個天好似要跌落黎一樣,做乜鳩阿到底
琴日仲同我講,叫我唔準亂咁洗d錢,一定要留住晒黎請佢食野果陣用,
又話約左yahoo 拍賣d賣家去交收我份禮物,仲話記得食飯果日要交換禮物
我禮物都整好,錢又準備好晒,點解咁比心機整完送都無得送就走左
點解飯都無得食就走左,點解最後一面,最後把聲都無得見無得聽就走左
果下我真係自己係房到喊左成個鐘,做乜野要咁對我,做乜走得咁突然,做乜明明話星期5食飯一下子就同我
飛左去英國,呢一晚,我係床上面呆坐左好耐,我覺得自己個靈魂好似死左一樣
我終於要講點解我前文會整理好晒咁多野食相片
其實係因為erica之前講過,去到英國就無得再好似係香港咁咩都有得食
又話果邊d野食黎黎去去都係得薯仔,仲要無乜味,一定好慘
我見佢咁餵食,就特登整理好晒d相,然後曬做相片出黎,再去買本相片記念冊
一張一張咁貼上去,每張都講下我地果陣去過邊,呢張相係咩野食,我全部跟晒時間咁排
由我地第一次出街去到最後6月幾仲係一齊果陣時,出過邊,食過咩所有相都貼晒上去
我好記得有七十幾張,我用左好耐時間去整,仲特登去簡本薄,希望佢無得食都有得睇下
至少會諗起係咩味,會醒起我地都快樂過,唔好忘記我,結果竟然送唔出
唉,點解要咁樣對我,呢份禮物我真係好比心機去諗去整.....
自從佢走左之後,我每日都等佢online,可惜佢完全無回音
e-mail set我做垃圾郵件,facebook block埋我,仲較左無人search到佢,即係我完全唔會搵到佢,開新acc都無
用,msn鎖左我,skype又鎖埋我
點解同佢當初講ge野完全唔一樣,做乜最後一次都要變,唔可以正正常常咁保持落去
到底我又做錯d咩,點都好,就係咁我地就再無聯洛過
而呢個故事........都就咁完結
