《憶海》 自從意外之後，我得到咗超能力: 第一部第十七章

不久後，新生輔導員那邊正式傳來工作。

「各位新生輔導員，今日召集大家嚟開會嘅目的主要係想通知大家未來將要為中一同學舉辦一個班際排球比賽，以促進佢地嘅團體合作精神。希望大家亦發揮團隊合作精神，搞好活動，係中一同學面前做好榜樣。」

「焱煒，我哋好似好耐無去探1B嘅小朋友啦，不如今日一齊食完午飯去搵下佢地傾計，順便同佢地宣傳吓班際排球比賽啦。」秋淼拍著我膊頭說。

「好呀，咁我落堂之後嚟你班房搵你。」我回答。

原本我對於第一次跟秋淼食午餐感到十分緊張，不知道應該吃什麼，但仔細想想要在短時間裡完成午餐其實沒有什麼選擇。





結果，午飯時間我倆便匆匆到老麥吃快餐之後趕回學校。

我們都買了超值套餐，我當然買麥樂雞餐，因為夠便宜嘛。

秋淼買完食物後，便滿足地大口大口吃著手上的豬柳蛋漢堡。

「食快啲啦，我哋仲要去探班小朋友㗎。」秋淼催促著。

「已經好快㗎啦，再快會啃死就無人陪妳去探佢地㗎啦。」我說笑道。





此時，我發現秋淼正虎視眈眈地看著我的麥樂雞。

「既然你食得咁慢，不如等我幫吓你。」她懷著不懷好意的笑容說。

她就像小女孩一樣用請求的眼神望著我。

過了幾秒後，我最後向她的眼神投降，跟她分享麥樂雞。

得到麥樂雞後，她就轉換成勝利的眼神。





她就像小女孩一樣，得到食物就會變得快樂，那份天真純情令我會心微笑。

突然，額頭一痛，原來秋淼用手指彈我的額頭。

「你做咩係度發呆，快啲食啦，使唔使我再幫你呀？」她笑說。

「梗係唔使啦。」我連忙狼吞虎嚥地把眼前的午餐都吃掉。

吃完午餐後，我跟秋淼便匆匆趕回學校去探1B。

說實話，我實在不明白為什麼要吃得那麼快。

有多少個中一生會那麼早吃完飯回到課室？

結果，只有寥寥幾人在課室。





不過，他們見到我和秋淼便很熱情地圍著我們。

「焱煒哥哥秋淼姐姐，做咩無啦啦嚟搵我哋嘅？」一個同學問。

「我哋見得閒咪嚟搵吓你哋傾計囉，中學生活過得開唔開心呀？」秋淼微笑地說。

然後，我們便繼續聊天，談一些中學生活、讀書心得、他們班的趣事等等。