「你好,我係黃社運動隊隊長李子軒。請問你想點樣證明自己,同我地嘅隊員對打1 on 1?」隊長亦禮貌地回應。

「唔需要啦,我想要一個籃球就夠啦。」

「無問題,咁你可以隨時開始,睇完表現後我地再繼續討論。」隊長拿了一個籃球給我說。

「事先聲明,件事我都聽聞過,但係唔代表我地會俾個舞台你去同人地爭女,一切以球隊利益為重,你唔夠班就點都唔會俾你入隊。」

「明白。」





拿起籃球後,我深深呼吸了一下,回憶昨天投藍的感覺,然後走向左側底線三分線外。

站穩後,我便用雙手投出第一球。

籃球在空中劃出一條拋物線。

「唰。」籃球命中穿針。

隊伍中有人歡呼,雖然我不知是否諷刺的聲音。





然後我再次在相同位置投籃。

「唰。」再一次命中。

然後我走到左側45度角,投籃兩次。

然後是弧頂、右側45度角、右側底線。

隨著不斷命中,人群中歡呼聲越來越多。





結果,我在十球三分球投藍中,投進九球。我猜成績也挺不錯吧。

我望向人群,有人熱烈歡呼,亦有人目瞪口呆。

他們的反應肯定了我的猜測。

「可以俾我講出我嘅請求嗎?我想係對紫社嘅比賽中出場,其餘嘅比賽我都唔會打擾你地。」我走向隊長說。

隊長聽後沒有回答我,走向幾個主力圍著討論。

「你認真?只要你唔出賽仲有機會反悔。」思堯擔心地說。

「放心啦,我一定會贏返嚟俾你睇。」我溫柔地說。

「唉,你從來都無試過咁唔冷靜⋯⋯」思堯嘀咕著說。





此時,隊長討論完畢後便向我走過來。

「可以問你一個問題嗎?」他問。

「可以呀。」

「我想問你都擅長於控球、傳球同防守嗎?」

「一竅不通。」我搖頭苦笑說。

「果然係咁。」隊長若有所思地說「經過我地討論之後,認為以黃社目前嘅陣容去打紫社,勝算根本係零。既然係咁,倒不如俾你上場反而可能仲增加比賽嘅不穩定性。」

「即係我可以出賽?」我期待地問。





「唔,係可以嘅,不過你除左投藍咩都唔識,上到場俾對手有所防範之後就好難發揮作用,加上我估你體能都唔足夠撐全場,所以你只可以後備上陣,適當時候就放你上場追分。」

「完全明白,多謝你俾嘅機會。」我禮貌地說。

「坦白講,你投籃嘅準繩度真係意外地高,不過你之後都需要跟我地練習,學習基本籃球嘅技巧旁身。」
已有 0 人追稿