《憶海》 自從意外之後，我得到咗超能力: 第三部第二十五章

一會兒後，她便拿出一盒國際象棋走出房間。

「玩唔玩？」思堯流露出挑戰的眼神。

「隨時歡迎。」我張開雙手，充滿自信地接受挑戰，好歹我也是在國際賽中排名不低的好手，才不會怕來自一個新手的挑戰呢。

「費時俾你話我蝦你，讓你兩隻騎士同兩隻兵。」我從棋盤上拿走自己四隻己方的棋笑說。

「哼，你一陣一定會後悔。」思堯不爽地道。





大戰一觸即發，剛開始時我還悠然自得，不時還說廢話騷擾思堯，不過她卻毫不受我影響，沉著應對。

「哇，你都幾叻喎，咁都俾你睇穿咗。」我在誘敵戰術失敗後讚嘆到。

「使乜講，唔好睇小我。」思堯自信地說。

「明明學咗無耐，已經進步得咁快，你都幾有天份。」

「小心俾我贏到呀大師。」





漸漸地，局勢開始轉變，我久久都未能在棋局中取得較大的優勢。

「好似好頭痛咁喎。」思堯取笑我道。

「就睇下邊個可以笑到最後啦。」我拉起衣袖進入認真狀態。

我們持續大戰了一個多小時，幸好去到後期不知道是後勁不繼抑或是缺乏經驗，思堯只顧進攻，被我突擊成功，一擊拿下了她的國王。

「唉，差少少就可以將軍㗎啦。」思堯趴在桌上不忿地說。





「初學者嚟講已經好好㗎啦，俾你贏到我咪好無面。」我捏著思堯臉蛋笑說。

「哼，唔理你，食飯。」思堯別過頭說。

「有咩食？」

「你呀，食自己啦。」說罷思堯便走進廚房。