「吓?」面對突如其來的情況,我只能吐出一個字。

「對唔住呀焱煒⋯⋯」思堯熱淚盈眶,撐起最後的笑容說「有啲嘢我係時候對你坦白,其實當初秋淼臨走前係有留低過聯絡地址,想我透過寄信保持聯絡,但係佢講過點都唔可以俾你去搵佢,佢唔想你再因為佢而繼續沈淪落去⋯⋯」

「我初頭都好猶豫應唔應該聽佢講將件事保密,但係我⋯⋯我⋯⋯我唔想你再繼續因為以前嘅事痛苦落去,我想你注視係你身邊嘅我,我想成為你快樂嘅原因⋯⋯對唔住呀焱煒我真係太自私啦。」

「咁⋯⋯而家好好地做咩要分手?」我不解地問。

「因為我知道勉強你去同一個你唔鍾意嘅人係埋一齊對你更加唔公平,所以我決定如果係疊memo用完之前我都唔可以令妳忘記秋淼,我就應該放手俾你去搵佢。」





「我⋯⋯你俾多少少時間我,我差少少就可以擺脫記憶嘅咀咒㗎啦⋯⋯」我越說聲音卻越來愈小,彷彿吐出這句話連自己也說服不了。

「唔係呀。」思堯搖搖頭說「我唔應該強迫你去忘記,事實上你都忘記唔到過去你同秋淼發生嘅所有嘢,我知道㗎⋯⋯你只不過將對佢嘅感情投射係我嘅身上。
已有 0 人追稿