「因為妳仲差我一樣野。」

「係啲咩?」

「一句多謝。」

「吓?」秋淼不解。

我從背包小心翼翼地拿出細心準備的禮物,就是瓶中船。





「記唔記得有一次我地去睇戲,你睇完戲之後趴咗係一個櫥窗望住個瓶中船,我嗰時入去問賣唔賣得個老闆又話非賣品,咁我唯有自己整一個送俾你啦。」我一邊回憶一邊說。

「我只不過偶然經過覺得幾靚姐⋯⋯你使唔使咁認真呀⋯⋯」秋淼驚訝地說。

「我整左好耐㗎,妳點可以收都未收就走左去。」

「哼,我先唔會同你講多謝。」秋淼故作神氣,之後又一臉認真地說「當我地無拖無欠個陣,我地之間就再無關係㗎啦⋯⋯只要我一日仲爭緊你,你就一日都仲會記住我。」

「你個債仔呀!」我捏著秋淼的臉頰笑說「我橫跨成個地球嚟追你都唔肯還,因住我以後追住你唔放。」





「係啵,但係我明明叫思堯點都唔好俾我嘅聯絡方法你㗎啵⋯⋯點解你會識嚟嘅?」秋淼一言驚醒地問。

「講起呢層就⋯⋯真係一匹布咁長。」

我把所有的事都一五一十地說出來,包括她剛剛離開後我陷入崩潰時思堯扶起我一把,之後我跟她在一起後玩的memo challenge,當中我的心路歷程與糾結,最後以我們的分手作結。

「⋯⋯之後我返到屋企之後就開始計畫嚟澳洲,好快就準備晒所有嘢,跟住琴晚就飛到嚟伯斯,訓完一晚就嚟到你面前啦。」

「哦⋯⋯我咪叫你搵個一個更適合你嘅人囉,點解你唔珍惜思堯呀,思堯明明好女仔嚟,年中都有唔少男仔嚟追佢㗎,難得佢鍾意你你就執到啦。」秋淼裝作憤怒疊起雙手說「思堯又係嘅⋯⋯好地地做咩要爆我係邊出嚟⋯⋯」





「呃⋯⋯」我看著她樣子完全分不清她究竟是怪我跟思堯分手還是怪我跟思堯一起。

「唔好嬲啦⋯⋯」我走向床邊抱著秋淼說「就係思堯對我太好我先唔想辜負佢嘅愛嘛,嗰時我根本完全將對你嘅感情同內疚投射落佢到,如果我勉強繼續同佢一齊反而對你地兩個都唔公平啦。」
已有 0 人追稿