消失的五年: 《二十七》

我呆呆地望住張紙，心諗


" 屌鳩你，真係比我估中，條仆街究竟係咩人，邊有可能發生啲咁嘅事㗎，黐撚線！"


响我諗到入神之際，鬍鬚佬再次攞起支嘢，行去我背後，掃多一次，然後响我背脊上面畫咗幾筆，跟住就遞咗張紙仔比我！


「先生，剪完㗎喇，歡迎下次光臨！」鬍鬚佬木無表情咁講






「唔該晒！」


離開高登，行番落人頭湧湧嘅街上面，熱鬧非常，唯獨我好似唔屬於依度咁，格格不入，企咗响條街，攞住張紙仔 ……


忽然，有架私家車響胎急刹，正正停响我前面無幾遠，門一開，有四個矇面男人跳出，各人手持木棍向我衝埋嚟，冷不防有咁嘅事發生，諗都唔諗調頭即跑，向福榮街逃走。






可惜，雙拳難敵四棍，腳下一掃，「啊」一聲，即時趴咗响地，隨之而嚟嘅，亂棍如雨下，毫無還擊之力， 瑟縮一圈，兩、三分鐘之後，雨棍停咗，其中一個就講


「我老細叫我警告你，唔好做咁多無謂嘢，你郁下條尾，就知你想點！」


講完之後，佢掉低咗張相响地下，再講






「我老細仲話，之前同你開咗個玩笑，叫你唔好嬲佢喎，但係個仔最終會唔會死，就睇你喇，哈哈哈 ……」


嗰四個矇面男人講完就四散，我望住佢地離開，慢慢扒番起身，彎腰執起地上張相，一睇，


啊啊啊啊啊 …… Mic ........ hael .......


Michael 啊！張相入面嘅係 Michael 啊，只見相中嘅 Michael 成個頭用繃帶包實，面上有好多大小不一嘅傷痕，口中插住一條氣喉，再加個氧氣面罩 ……


究竟條仆街想點撚樣？頭先又話死咗，依家又話 Michael 未死 …… ，雖然唔可以確定張相幾時影，但有一點可以肯定，以張相嚟睇，插得氣喉即係代表昏迷狀態，情況一定好危急 ……






Michael ，阿爸對你唔住！


我清楚知道，一張相根本唔可以證實 Michael 生定死，但係 …… 起碼仲有一線生機，Michael 同家怡係我生存嘅唯一目標，無論如何，一定要盡快搵條仆街出嚟！


我响褲袋度攞番鬍鬚佬張紙仔，打開一睇，上面寫住 ……