《中學聚會的重遇》: 第一章
大家好，我叫鍾梓鋒，今年中四係一間地區名校讀緊。今年既開學日好特別，因為我終於由一個普通班既學生，「進化」成一個精英班既學生，成為全級最被重視既一分子，宜家既我行出走廊都有自信D，唔使再睇其他人既面色，唔使再被其他人話你只係全校最廢個班既第一咋，開始有D期待開學，好想快D完咗個暑假。
「鈴......鈴......」鬧鐘響起，意味住今日終於到我期待咁耐既開學日啦，我起身就開始刷牙洗面，然後洗個頭就出發翻學，我屋企係學校附近，所以行翻去只要大約5-10分鐘，今日應該係我咁多年裏面第一次咁想翻學，以前翻學對我嚟講係曬緊自己時間，我個班D人都唔讀書，D老師又冇心機教，所以我翻學就好似係俾時間我自修，上堂永遠都係做自己嘢，老師又永遠都唔教書。去到學期未，我個班破咗學校記錄，就係超過二十個人留級或轉校，li個記錄可話前無古人後無來者，以前既記錄都唔超過十個人，但係我哋就已經多li個記錄一倍，可見我個班係有幾廢。好似拉得有D遠，翻翻嚟先翻學途中我係度FF緊係精英班既畫面既時候，有個著住我學校校服既女仔坐低咗係地下，隻左腳好似拗柴，
「你冇事吖嘛？你隻左腳係咪拗柴？」好有禮貌咁問緊個女仔
「係呀，啱啱唔小心拗柴haha」
「你都幾唔小心下。。。仲有5分鐘就打鐘啦，不如我慢慢扶你翻學校啦好冇？」shit，好似有D急進tim，佢會唔會當咗我係變態呢。。。
「好呀，咁麻煩你啦」講完之後做咗個鬼臉跟住我就扶佢翻學校，順便送佢去埋醫療室等D校工照顧佢，送完之後我就翻上自己課室，見到得翻一個兩個人既位冇人坐，咁我就一定要坐個度架啦，
過咗冇耐，就落去禮堂聽校長講經，聽到我訓咗半個鐘，一個小息之後就到班主任堂，咁班主任堂都係做下今年D職位分工啦，同埋講下佢對我哋班既期望等等啦，
講講下今朝拗柴既女仔突然入咗嚟，佢見到我既時候先係一面驚訝，然後就坐咗係我隔離，咁好明顯係因為已經冇曬位啦，所以佢逼於無奈先坐我係隔離啦，過咗陣老師叫佢名我先知原來佢叫陳佩儀，佢坐係隔離既時候大家都冇咩交流，始終大家都唔係熟，但係去到第二日，開始出現變化......
《流水很清楚 惜花這個責任 真的身份不過送運—落花流水 陳奕迅》