【校園】現實與平行時空的愛情故事: 第四章 - 初戀的回憶-4（是日溜冰）（上）

- 第四章 - 初戀的回憶-4

說時遲那時快, 差唔多到下學期既學期尾。

玩玩下既 ture or dare都無再玩。

小息既時間反而可能大家一齊傾下計, 或者同隔離班認識下咁。

直到有一次傾傾下計, 唔記得邊個提出話想去溜冰。



溜冰呢樣野唔係個個都識, 先講求平衡力, 再去理解點樣先溜到冰。

有人表示識, 亦都有人表示唔識。

而我就係當中識溜冰既其中一人。

最後就約左某一個星期六去太古城溜冰。

當日去既人當然有我, 仲有阿桶, 阿飯, 阿君, 阿琪, 阿牛。



行左一陣就到左溜冰場。

當時大概係春天, 本身都開始有少少熱。

但一到溜冰場就立即暑氣全消。

個個都係場外觀摩場內既溜冰人士。

有人圍住場邊慢行, 有人係場內正中心練習花式溜冰, 有人就係賽道上滑行。



是日精彩既節目要開始了。

之後個個都去買飛入場, 度腳拎溜冰鞋, 然後著鞋。

印象中我點解會識溜冰, 係因為初初中一既時候有兩個表姐教我溜冰, 教左我兩次之後我就已經掌握到溜冰既重點, 所以基本既溜冰同滑行都無問題。

溜冰鞋雖然唔係難著, 但如果第一次著既話都需要多少少時間。

所以我好快就著完, 見到阿桶, 阿飯, 阿魚, 阿琪仲著緊鞋。

相信阿牛應該都識溜冰, 所以都見到佢著完鞋, 幫緊阿魚著鞋。

而我就走去幫阿桶同阿飯著鞋。

話說係著鞋既地方同溜冰既地方都有一少段距離。



但對於唔識用溜冰鞋黎行路就有一大段距離。

我扶住阿桶同阿飯出去, 而阿牛就扶住阿魚同阿琪出去。

因為太古城果到特別有幾級樓梯, 所以佢地行得更加困難。

幾經辛苦終於行到入溜冰場。

第一時間就幫佢地扶到溜冰場既場邊。

一開始要比佢地習慣下溜冰場, 先令佢地學識企係溜冰場先。

扶下佢地少不免有多少少既身體接觸。



作為一個好少對女生身體接觸既我黎講, 係有少少興奮同緊張。

不過我依然都專心教佢地溜冰。

過左無幾耐, 佢地已經識平衡到。

之後就要佢地好似行路咁一步一步係冰上行。

慢慢扶住佢地慢慢行。

又好快佢地就開始掌握到。

之後我就提出帶佢地離開溜冰場邊, 唔好再扶住黎行。

當然唔扶住場邊既平衡力就自然要慢慢控制。



有人跌低, 就要佢學識點樣靠自己起返身。

好快都有人開始控制到唔靠住場邊行。

不過亦都有人唔肯離開場邊, 要扶住黎行。

最後, 大膽既阿桶就要求我帶佢出去溜下冰。

而我就拖住佢去溜冰, 比佢感受一下溜冰既感覺。

當時真係咁大個仔第一次拖住女仔隻手。

心裡暗爽中。



隻手細我少少, 仲有小小凍。

不過就唔係十指緊扣。

但係就好心滿意足。

個感覺都幾舒服。

我同阿桶溜下溜下冰, 唔知溜左幾耐就溜完。

因為溜冰分左好多節, 每節都唔係多既時間。

所以快樂既時光過得特別快。

大家除完對溜冰鞋都一時唔習慣返著平底鞋。

當大家交還返對鞋, 出到去等齊人既時候。

原來阿琪已經將我同阿桶拖住手溜冰既畫面影低左。

果一刻複雜既心情難以形容。

唔通我同阿桶就會繼續發展落去？