【校園】現實與平行時空的愛情故事: 第六章 - 初戀的回憶-6 ( 一個改變人生的計劃-1 )

- 第六章 - 初戀的回憶-6

2007年 - 中二

快樂時光過得特別快。

中一第一個暑假就留係屋企打機同打機。

所以無咩好講。



由於中一時係以入學試黎分班, 以A班為精英班。

所以當我果班係精英班。

當上到中二, A班依然係精英班, 但係就會以考試成績黎分班。

雖然我既成績唔可以話好叻, 但係都足以入到A班。

所以今年我依然係A班。



但係就有其他同學已經調到其他班。

依然留返A班既有以下同學, KEN, 民, 阿詩, 阿飯, 阿剪, 阿琪, 阿牛, 阿魚, 阿君。

大家會諗, 咪同之前我所講既差唔多。

無錯, 不過就係少左阿桶同阿昌。

自此之後, 我地就少左見面。



不過間唔中小息既時候都會一齊玩。

有一次飯後小息, 阿桶帶我去左一個地方 – 社工室。

有人會諗, 帶你去社工室係咪覺得你有問題呀?

不過呢間學校既社工室係學生聚集既地方。

因為呢到有好多野玩借比學生用, 例如唔少既棋類。

又或者選擇同社工傾下閒計。

於是阿桶就介紹左呢到既註校社工 – 劉SIR

劉SIR睇落三十幾歲, 短頭髮, 有少少鬚, 不過傾落都好健談。



過左幾日, 我再次同阿桶落去社工室傾下計。

劉SIR問我地有無興趣參加一個劇場成長計劃。

諗左一陣, 我地就決定參加左呢個計劃。一個改變自己既一個計劃。

而呢個計劃係會係放學後先參與。

呢個計劃名叫做A樂園。

我自問自己都係一個內瞼既男生, 會有少少怕羞。

但開始每星期參加一次A樂園, 不經不覺影響左自己。



當中有3組人, 分別以星期二,四,五去劃分, 定為A, B, C組。

而我係A組, 入面有我, 阿桶,GARY, ROGER, 阿蚊, 雪條, 再加四個中三既學姐。

介紹一下以上四個所提及既人。

GARY: 同我同班既一個男仔, 180高, 都算係一個白白淨既靚仔, 為人風趣幽默。可以稱之為男神。

ROGER: 由我小學三年班已經識既男仔黎, 當時一齊落去社區中心補習而認識。為人風趣但唔太多說話。大我一年級。

阿蚊: 一個短頭髮幾靚幾可愛既帶眼鏡女仔。比較文靜溫柔。大我一年級

雪條: 阿蚊好朋友。一個長頭髮幾靚幾可愛既女仔。比較熱情少少。大我一年級。

以上兩位師姐外表可以用女神去形容。



假如我大多一年一定會追佢地兩個其中一個。

A樂園入面有三位導師, 包括劉SIR, 龔SIR同梁SIR。

劉SIR同龔SIR都係社工黎。

而梁SIR就係係APA(香港演藝學院)畢業既編劇。

呢三位都係我既人生導師, 因為佢地令我變得外向, 識得同人溝通。

A樂園一開始由玩一啲同其他組員互動既遊戲。

佢地三個都好鼓勵我地呢班學生去投入參與。



當然都要自己肯踏出第一步。

佢地三個都好風趣幽默, 永無悶場。

每一次參與完都會帶住開心既心情離開。

佢地有提及到將會係暑假舉行一個舞台劇, 以我地作為藍本。

當我知道之後, 既興奮又緊張。

因為知道有表演就好期待, 但係舞台劇係一個現場既表演, 會有好多人黎睇就會有點緊張。

希望係一個難忘既回憶。