[人生哲理]《黑白的世界不止於灰》: 45 六點十五分

45 六點十五分
 
 
「噠、噠、噠、噠……」行人綠橙亮起。
 
我袋好手機，再次急步起行。
 
當我付款從的士下來的時候，已經是六點十分。
 
抬頭望一眼工廈，望一眼工廈的名字。




 
確保沒有錯之後，便奔跑起來。
 
我闖進舊式升降機，轉身拉上鐵閘，「鏘——」
 
雙腳穩穩上升，橙色數字跳升，3、4、5……
 
「6！」我拉開鐵閘，踏出去之後關上。
 
眼前是602室，古樸的木門，門縫仍然透著光。




 
太好了，證明明月姐還在！
 
我鬆一口氣，踏前幾步，卻看到木門上掛著「Close」的牌子。
 
看手機時間，是六點十五分，我從未試過在關店的時間進去。
 
正想推門的時候，聽到了裡面的聲音。
 
有一男一女在對話，都是很耳熟的聲音。




 
女的是明月姐，男的……一時想不起來。
 
不管了，我用手一推，放出了裡面的光茫。
 
「鈴、鈴。」金色鈴鐺被搖響。
 
柔和的室內，有著明月姐和孫醫生，面對面地坐著聊天。
 
明月姐穿著軍綠色的羽絨服，左胸上方有一個黑色「乙」字，就像初次見面時一樣。只不過當時是短袖上衣，現在是羽絨服。
 
孫醫生穿著白銀羽絨服，背對著我。當他轉身向我打招呼時，我看到了他左胸上有一個「丁」字。
 
「好耐冇見。」他微笑說。
 




「係啊，好耐冇見。」我看著他，感覺他有點神奇。
 
「搵我有事？」明月姐問，背靠椅背。
 
我望著明月姐，再睄睄孫醫生，暗示有其他人在場。
 
「唔緊要，孫醫生知道我地既事，你隨便講。」明月姐說。
 
那我就不客氣了。
 
「聽講你已經買到佩盈既相。」我單刀直入。
 
「係啊……呵欠……啱啱買完返黎。」她伸了懶腰，開始講是非，「你知唔知幾難買？我幾難先搵到條友最需要錢既一刻，去同佢買。如果係其他時間，條友根本唔會理我。」
 
「做咩一直唔聽電話？」我問。




 
「可能……電話教左震機，擺左係手袋。」她心虛，忽然理直氣壯，「都話我啱啱返黎！我係第二個時代點聽你電話？」
 
「算，我唔同你計。」我說，冷靜一下，「總之，你依加送我去見佩盈。」
 
「你真係要咁急？本身我諗住夜啲先發訊息比你，叫你聽朝黎。」她說，「因為我依加……」
 
「我知你收左工，今次，我自己去就得。」我拍胸口說。
 
無論如何，我都要去阻止意外發生。
 
「不如咁，你放空一下，坐低抖順條氣先。」明月姐勸慰，「依加我比張相你睇，你睇完、諗清楚點做，先再下決定好唔好？」
 
接著，我拉開椅子，坐到孫醫生旁邊。
 




明月姐倒半杯水給我。
 
再慢慢地出示一張黑白照片，她把照片放到我的面前。
 
照片中是一個大草原，有一男一女，右邊的佩盈留著中長髮，鬚髮掛耳。
 
她神情開朗，面頰露出了小酒窩，手正牽著一匹馬。
 
左邊是一個相貌堂堂的男人，年約三十五歲後，短髮整齊，同樣牽著一匹馬。
 
兩人都穿著騎師鞋，手挽著騎師帽。
 
「哩個係三十一歲既佩盈，左邊係佢既相親對象，叫做趙真成。」明月姐介紹。
 
「你好好諗下，自己應該點做。」她說，「包括，到底應唔應該去搵佢。」




 
「你要知道，其他人都可以去救佢，唔一定係你去。」明月姐再說，「而你去，可能會做人地電燈膽。」
 
聽罷——
 
我坐在椅子上，看著佩盈的笑容。
 
此時的她，大概在事業上得到滿足了吧。
 
不禁用手指摸摸她的臉。
 
「佢間帽店，係咪好成功？」我感觸地打聽。
 
「有一種成功，叫一夜成名、短時間致富，都係好短時間就獲得肯定。同時，有一種成功，需要經年累月既努力，先會獲得肯定。」明月姐說，「佢屬於後者。」
 
「其實佢好幸運，有咁多人幫佢，佢間店幾年之間已經有名氣，得到街坊同熟客既認可。」明月姐說。
 
「最幸運既係我。」我說。
 
「孫醫生，我可唔可以問你意見？」我控制情緒，拿著照片。
 
「問。」孫醫生說。
 
「如果我知道佩盈即將會出意外，我可以出手救佢，但可能會影響佢既幸福，你覺得我應唔應該去救？」我問。
 
孫醫生慎重地考慮了一番。
 
「從醫生既角度，一定要救。」他說。
 
「從你，或者叫從自私既角度……」他欲言又止。
 
「從我既角度？」我正在等待。
 
他喝一口水，輕描淡寫地摸杯子，「更加要救。」
 
「或者咁講，如果我係你——」他放下水杯，用心看著我，「死都要救。」
 
「有乜可能唔救，或者讓比其他人救？」他反問。
 
這番說話，增強了我百倍的決心。
 
接著他就藉故要去廁所，暫時走開了。
 
「聽到未？明月姐。」我坐好身子，「我已經準備就緒。」
 
「你諗清楚就好。」明月姐點點頭，找出一部復古的照相機。
 
在拍照之前，她提出了一個要求。
 
「去係可以去，但你要同你家姐講聲先。」明月姐提出，「費事你屋企人擔心你夜返。」
 
「冇問題。」我一臉喜悅。
 
掏出手機，按按解鎖，再撥號給家姐。
 
同一時間，明月姐正在調整照相機的日期和時間。
 
「喂，家姐，我決定要再去一次。」我在電話中說。
 
突然，手一空。
 
明月姐奪走了我的手機，放到耳邊。
 
「喂，何諾兒？」她熱情地說，「係啊我係明月姐，你即刻帶你地個店員過黎。」
 
「係啊，小熊維維，係佢。你地一齊黎啦。」她繼續說，「人多冇壞既。」
 
「塵明月，你做乜拖埋佢地落水？」我不滿，要搶回手機。
 
她迅速地拿起照相機一按，閃光燈一閃，照白了我。
 
「咔嚓——」白到消失了。
 
坐位上空無一人。
 
只剩桌上半杯水。
 
「喂，係啊，我等你地過黎先收鋪。」明月姐繼續聊電話。
 
收線後，孫醫生再次出來。
 
「嘰……」黑色照片慢慢從照相機冒出，我的感官都在照片上。
 
「塵明月，睇黎你真係好鐘意塵明月哩個名，明明『神明乙』個名咁型。」孫醫生取笑。
 
「咁你又要叫孫醫生？」明月姐睄了一眼他胸口的丁字，「神明丁你明知我地要幫人，需要隱姓埋名。」
 
若無其事地，她拿起黑色的照片，在背後加上Blu-tack。
 
「今次轉介佢比你真係辛苦晒。」孫醫生說，重新坐下，「但點解要多兩個人去？」
 
「因為我發覺當何常望住佩盈，佢就會慢慢改變，想變成一個彩色既人。」明月姐放慢手腳。
 
「然後當其他人望住佢地兩個，亦都會跟住改變，想變成一個更好既人。」她說，「例如何諾兒咁。」
 
「小熊維維有佢自己既問題，去一次旅行，跟佢兩個學下野，幾好丫。」明月姐說完。
 
把照片貼在背後的牆上。
 
照片漸漸浮現出——
 
穿著間條西裝的我，戴著帽子，站在大風中的草原。
 
前方是騎在馬上的佩盈。
 
「鈴、鈴！」古樸的木門被明月姐拉後。
 
伸手把「Close」的牌子翻轉。
 
鬆手後，翻成——
 
「謝謝收看」
 
 
全文完