枯樹上的葉 <已完結>: <八>

我們一行人去到主任辦公室。

打開了門，這個場面頗像江湖片的場景。

主任看到這副場面後不禁嚇了一跳。

「又係你地…」

「主任，我地嚟唔係為咗要做啲咩，只係想你重輕發落你眼前的呢位學生，你的決定係足以影響佢一生。」



「係啊主任，我都相信阿輝同學係清白架。」落晨月在我旁邊說。

「連阿月你都咁講？」

「請你比一次機會阿輝啦！佢係我中學生涯唯一最好的朋友！」我第一次向他彎下腰。

「……」

我們後面的學生見到後都一同彎下了腰。



「你地……」主任不知說甚麼。

「主任，你都見啦，民心所向。」阿月說。

「而且，」阿月隨後靠近主任耳邊不知說了甚麼，主任連連點頭。

「咳，呃…...念在郭京輝同學係初犯，都念在呢件事對佢將來影響好重，我會再考慮下改罰其他架啦。」

「多謝主任！」我們聽到後都喜出望外。



「快啲返出去啦，吵住個辦公室！」


我們走出了教導處。

「太好啦，阿輝，終於……」

阿輝突然一把抱住了我。

「多……多謝你啊……阿樹！」他抽泣着。

「你真係我既好兄弟……！」

「喂，得啦得啦夠啦，做多咗啦，好gay啊！」



「仲有你地，真係好多謝你地啊！」他向全部人鞠了躬。

「阿輝，以後有咩困難，記住背後都有一班朋友係到支持你。」

他抹着眼淚說：「我一定會記住……好多謝大家。」

我望望施喬，施喬也回了我個笑容。


這天過後，主任公布了對阿輝的新處罰：洗厠所一個月。

唉，總算比一個大過好，這樣也算是給了主任出氣。


第二天早上我回到學校，



看到落晨月在課室捧着一本小說看。

書名是：魍魎之匣。

我走近了他向他打招呼。

因為我一直想找機會跟他道謝。


「嗨。」

「嗨。」他也微笑着回應我。

「尋日真係好多謝你，估唔到你真係肯相信我地。」



「唔洗，成績差唔代表你地一定就係某種人，應該話，成績一直都同人品無咩聯系，所以唔需要睇低自己。」

「分數一直以來都只係個數字而已。」

想不到竟然有學霸這樣想，我以為他們都是些分數至上又缺乏同理心的怪物。

哈哈看來是我先前對他們偏見太深了，一直以為他們和那些看不起我們的老師是一丘之貉。

但之後他的回答我更加沒想到。


「而且我都一直好憎戈個吳主任，我想睇佢比一班學生聲討有咩反應。」他笑說。

「咁你尋日喺佢耳邊講咗咩？」



「我只係話，再唔改變主意分分鐘會影響佢係學校的威望，下年校長的人選可能就會比咗其他主任。」

深諳人心……

好厲害的一個人，同時又是一個好奇特的人。


「阿樹！一齊去樓下小賣部啦！」

施喬在課室門外叫着我。

「咁下次再傾啦。」我微笑說。

「嗯。」他也報以一個微笑。

去到樓下小賣部。

「你想食咩啊？你隻為食妹。」

「唔該幫我買一包泡芙，一盒百力滋，一包魷魚絲，一包小蛋糕，一盒朱古力奶。」她把錢交到我手上。

「食咁多野？你無食早餐咩？」

「係啊，瞓晏咗無食到。你快啲幫我買啦，你想餓死我咩！」


買完後我們坐在了禮堂裡。

她把每一樣東西都拆開，開始吃着。

而我就這樣靜靜看着她吃東西的樣子。

她吃了一會兒後，感覺到我在看她。

「你係咪都想食？」

「唔係。」我笑說。

「咁做咩眼甘甘望住我…...」

我微笑，然後把臉轉去望其他方向。

突然有隻手伸到我面前，拿着泡芙。

我楞了下，然後張開嘴吃掉了，還不小心碰到她的手。

這時在遠處，

有一個女生從樓上走了下來，

是乙班的宋慧敏，同樣也是我們理科班公認最漂亮的女生。

但當然這只限於施喬轉學來之前。

現在她們兩人都是我們高三的女神級學生，

慧敏身材高挑，同樣也是一頭長髮，但給人感覺像姐姐般的感覺。

施喬相反則是可愛的類型，雖然她的性格與她身型非常不符…...

我和慧敏已從初中認識到現在，可以說是多年老友了。

她四處找了找，看到我後走過來。

「終於搵到你啦，阿樹！」

「搵我有事，慧敏？」

「咦，施喬都係到啊原來。無啊，我地班考完試諗住搞班活動，問下你地班一唔一齊搞姐。」

「咁你問下我班啲人咪得啦，唔一定專登搵我架。」我笑說。

「戈班人都唔可靠既，而且我同你熟啲嘛，講起玩你地最在行架啦。」

「好啦，我幫你問下，不過我班好多人都準備緊考試啲野可能唔得閑。」


這時突然有人在捏我的臉。

「乜你唔洗準備考試咩？」

「哈哈……當然要啦，不過放鬆下都無壞既。」

施喬笑了笑沒有說話。

「咁交比你啦阿樹，遲啲再傾啦。」慧敏說完就走了。


「你一唔一齊嚟？」我轉頭問施喬。

「睇下點啦，睇下我隻狗仔到時乖唔乖，主人考慮下帶佢去玩。」說罷她又把我好像寵物一樣摸着頭。

「我幾時做咗你寵物架......」

「好耐之前攞。」