[專員≠Hugo] 我係溫文樂，奉命調查一宗垃圾站藏屍案: 十九

我張開眼，已經係早上九點。 
呢排硬係覺得訓極都唔夠，可能件事實在太上心。 
我急不及待就趕番去差館。 

“伙記，幫我CHECK下呢個電話既記錄。” 我向某同事查詢。 

同一時間，老頂叫左我入房。 

“樂仔，你都知道而家事態好嚴重架啦。 
第二單喇，個條友簡直當我地冇到！ 




而且上頭都好重視，你就放低其他CASE，專心做呢單案啦！ 
我要一個月內破案！” 
老頂完全冇俾我解釋既機會， 
不過咁樣都好，我可以淨係做呢單我最重視既CASE喇。 

“樂仔，問左電話公司拎左電話既紀錄。”之前個伙記答番我。 

我一睇，毫無特別，始乎CANDY同第三者聯絡得好秘密。 
既然係咁，我睇黎要開始睇下第二個CASE， 
希望可以搵到D共通點。 





我拎起琴晚警察以及驗屍報告。 

女性，中等身型，身高約170公分，二十至三十歲。 
屍體被發現時，身上並無任何衣物。除左右手無名指上既一隻介指。 

陳穎妍。二十五歲。已婚。 

一個普通到冇得再普通既名。 
開頭我都冇為意，但係由於今次既屍體尚未腐爛， 




我可以睇到屍體容貌既相片。 

唔睇由自可，一睇，仆你個街。 
我又識既？