[專員≠Hugo] 我係溫文樂，奉命調查一宗垃圾站藏屍案: 四十

東九龍重案組。 

"溫文樂，你究竟發生咩事？ 
頭兩單Case你毫無進展，我算。 
出現第三單，我都算。 
你呢個時候做咩去攪事呀？ 
而家人地投訴你，你叫我點樣保你呀？"呀頭大發雷霆。 

"Sorry呀頭，我知我衝動， 
我都只係緊張單case。"我試圖解釋。 





"得喇，唔洗講喇。 
呢單Case你唔洗再跟喇，今日起你要停職接受處分。 
你出去啦。"呀頭揮揮手。 

"呀頭！" 

"this is an order！get out！"呀頭望都冇望我，指住門口。 

由於呀健投訴，加上我郁手打人，結果我就要接受處分。 




由我知道死者唔係芷晴個刻開始，我就知道會有今日。 

唔通我真係估錯左？ 
呀健既出現只係巧合？ 
我真係望唔透。 
或者，我真係幫唔到Candy報仇喇？ 

我輕輕一嘆，番到去家徒四壁既屋企， 
非常沮喪既攤左係梳化，覺得自己充滿無力感。 





"樂？番左黎喇？" 原來芷晴上左黎。 

望住呢個死過番生既女人， 
居然不期然咁產生左一絲嫌惡。 

"你點解會識呀健？個晚你地去左邊到？"我冷冷吐出我想知道既問題。 

"你點知架？我查到佢同Candy原來係相識， 
咪試下去圖佢料囉。不過佢都冇講到d乜..."芷晴流露出一絲失望。 

"你點識佢呀？"我有少少唔耐煩。 

"做咩呀你？咁燥咁既？"芷晴皺眉。 

"你仲未答我問題。"我依舊冷冷咁問。 





"溫文樂，做咩事呀你而家？你審我呀？"芷晴居然絲毫不讓。