[專員≠Hugo] 我係溫文樂，奉命調查一宗垃圾站藏屍案: 四十二

"下？！死咩人呀？咩死人呀？"我嚇到當堂醒哂。 

Hugo依然滿臉驚恐，指住旁邊既一個女性。 
正確黎講，係一條女屍，仲要係裸屍。 
我嘗試叫自己冷靜，走埋去條女屍到， 
輕輕咁摸一摸佢既大動脈。 
不過佢冰冷既皮膚，平靜既大動脈令我個心涼左一大截。 

"點解佢會死左既？"點解我地會係到？"我問Hugo。 





"喂死仔！唔好扮唔記得喎！ 
你....你親自郁手架喎..."Hugo始乎唔相信我會咁問。 

我親自郁手？即係我殺左呢個女人？點解我要殺佢呀？ 

"下...你講緊乜呀？"我殺左人？冇可能。 

"琴晚你同我都飲大左，你冇啦啦拖左條女番黎， 
仲話要帶人上你到。 
大佬呀，芷晴成日上你到， 




萬一你地俾佢撞破仲得了既？ 
咁我咪跟住你地番黎， 
有咩事我都可以幫你嘛。 
點知你去到樓下，冇啦啦打暈個女人， 
仲拖左佢黎垃圾房。 
我禁都禁你唔住呀大佬！"Hugo手舞足蹈咁講。 

"跟住呢？"點解我完全冇印象架？" 

"跟住？我仲諗緊點解你咁重口味係垃圾房玩...仲要打暈佢。 




點知我未開口問你，你就拎左把槍出黎殺左佢喇！！！ 
你同佢有仇架？點算呀而家？"Hugo始乎仲係好激動。 

咪住？垃圾房？！係咪真係咁巧合呀？ 
個女人真係我殺既？我唔識佢架喎.... 

"Billy...殺得好呀...殺哂d賤女人！" 我突然聽到一把聲音。 

"邊個Billy呀又？"我唔耐煩咁講。