Hugo被警方帶番去調查既時候, 
一直計劃住點樣可以保住自己, 
保住溫文樂。 

至於最後點解溫文樂會被定罪, 
一切要由當日警方既逼供講起。 

"我地收到證人提供既資料,見到你當晚帶住呢個女人離開酒吧。 
另外亦有證據顯示,你第二日曾經買左把刀,同腐蝕性液體。 
而我地已經搵到呢位女士既屍體,佢既屍體正正俾人碎左, 




而且面部被腐蝕性液體毀容。係咪你殺左佢?!"女警咄咄逼人。 


Hugo非常驚訝, 
警方點解可以連佢地點樣處理屍體既方法都知道。 
而且矛頭始乎直指住自己,而唔係溫文樂。 

"明明自己冇份殺人,點解坐係差館既會係自己?" 
呢個念頭不停係Hugo腦海出現。 

而且,警方隻字不提溫文樂, 




令Hugo出現左一絲懷疑。 
最後,碎屍既壓力,加上警方既逼供, 
令Hugo得出左一個結論。 

溫文樂將件事嫁禍俾自己。 

"Madam...當晚我飲到非常醉, 
連相中既個個女人我都唔係太大印象。 
不過我而家諗番起喇... 
當時我同行仲有一位朋友... 




我記起個女人好似係跟左佢走。 
第二日,我朋友就同我講佢做錯左事。 
我一直以為佢講緊同個女人發生左關係... 
而家諗起,可能就係呢件事..." 
Hugo向女警表示。 

"樂...我估唔到你居然俾隻死貓我食... 
既然係咁...你唔可以怪我喇... 
我真係冇份殺佢架..."Hugo心諗。 

Hugo當然隱瞞左事實既真相。 
即使佢目擊整個案發過程, 
為免日後要係庭上指證溫文樂, 
於是Hugo只好扮成咩都唔知道。
已有 0 人追稿