[專員≠Hugo] 我係溫文樂，奉命調查一宗垃圾站藏屍案: 五十七

五年後。 

"思爾！你又玩到身水身汗！過黎媽媽到！" 
一位睇落相當年輕既母親，正係公園照顧住個小男孩。 

"媽媽！爸爸呢？我好掛住爸爸呀！"大汗疊細汗既思爾始乎好鍾意爸爸。 

"爸爸番工嘛！放工就會番黎陪你玩架喇！好喇！番屋企沖涼等爸爸好冇？" 
年青媽媽摸住思爾個頭。 
============================================================= 




"思爾，爸爸番黎喇！有冇掛住爸爸？"男人抱起思爾，始乎好疼鍚呢個小朋友。 

"有！爸爸，我要食糖呀！" 

"好喇思爾乖！俾爸爸抖下啦！ 
Hugo，番黎喇？今日咁晏既？"年青媽媽笑容滿面。 

"係呀...去左搵個朋友。"Hugo一面難色。 

"你又去左探佢？"女子神色有少少黯然。 





"係呀...芷晴...其實你點解你唔肯同我一齊探佢？ 
佢都好番哂啦！律師話佢好可能好快可以出黎架喇。"Hugo問。 

"我...你叫我點同佢解釋？"芷晴輕嘆口氣。 

"傻既你，佢係點我最清楚。佢一定接受既！"Hugo拍拍芷晴膊頭。 

"我怕佢唔接受，到時都唔知點算。"做左全職主婦既芷晴依然滿面愁容。 





"放心啦。點都好，我唔逼你喇。 
幫思爾沖完涼你都早d訓啦！你揍佢都好攰架喇。"Hugo柔聲道。 

"Hugo，多謝你。"芷晴拉住Hugo。 

"多謝我咩呀？" 

"總之多謝你啦。我番房喇。早抖。 
天氣凍呀。你係廳訓小心冷親！"芷晴準備番房。 

"放心，咁多年都慣哂啦！" 

"爸爸，我要同你同媽媽一齊訓！"思爾呢個時候又跑出黎。 

"思爾，爸爸有鼻鼾呀！你乖乖地同媽媽訓啦！"Hugo輕輕拍一拍思爾。 





"唔制呀！我要同你兩個一齊訓！"思爾扭計。 

"思爾！你而家係咪唔聽話？"Hugo裝作憤怒。 

"好喇思爾！唔好激嬲爸爸喇！" 

芷晴望住Hugo嚴父既形象，忍唔住嫣然一笑。 

"Hugo，呢段日子，辛苦你做思爾既爸爸喇。 
我知道你為左思爾有個健康既童年， 
為左佢唔俾人歧視先至咁做。 
總有一日，我會同佢講事實既真相。" 

"終有一日，思爾會知道自己全名　－　叫溫思爾。"