七歲嗰年我被學校叫去睇醫生。 【二次修訂版，一路改一路貼】: 「咪話咗嗰次……」

我坐到飯桌前，打開外賣早餐膠袋，啃著那塊又乾又硬的多士，心裡發誓絕對不會再光顧這家快餐店。

Tinny 就坐到我對面，環視著這間從前她來訪過無數次的屋子，好像對每個角落都充滿好奇。

「咦？放喺角落頭個大衣櫃呢？」視線掃到某處時她問道。

她在說那個伴隨了我家十年有多的大衣櫃，上年大掃除時，外婆嫌它太殘舊，扔掉了。

「嗰個大櫃？掉左喇。」在看電視的外婆回應。





「我仲記得有一次差啲困咗喺入面。」她望著我傻笑說。

我記得，小時候有一次和她玩捉迷藏，她躲進兩扇趟門有點失靈的大衣櫃裡，差點出不了來，最後外婆和姨丈花了整個小時才救回她。

「你仲好講？你話玩捉依因嗰次吖嘛，叫咗幾多次唔好喱埋喺個大櫃入面，係要喱入去……」外婆有點激動地說。

「因為嗰個櫃夠大嘛，喱喺嗰度哥哥一定唔會搵到我。」

「總之嗰次真係嚇死我同你阿爸阿媽呀。」





我一邊聽她們說著陳年舊事，一邊把那早已放涼的炒蛋送進嘴裡。

一會兒，外婆提起：「係喎，你住喺度返學方唔方便架？」

「放心！我搵到呢度有巴士直去學校，一個鐘頭左右就到架喇。」Tinny做了一個ok手勢說。

「嘩一個鐘頭呀？咁你咪要好早起身？」外婆瞪大眼說。

「早少少咋嘛，我OK 架。」





「唉，你話有啲人可以好似你咁早起身嘅話就唔使遲到啦。」

莫名其妙中鎗的我立刻反駁：「咪話咗嗰次……」

說到一半時，我察覺到來自Tinny的目光，這時喉嚨忽然一緊，話再也說不出來了。

「塞車吖嘛！你搭早幾班就冇事啦。」外婆代我把餘下的話完成。

我放棄辯駁下去，改為向她翻了一個白眼。

「同埋呀，有啲人朝早叫極都唔醒架，次次搞到最後一秒先出門口至安樂。」外婆繼續指桑罵槐道。

「哈哈，我通常朝早瞓到咁上下就會自己醒。」

「咁啱嘞Tinny ，呢幾日你就幫我叫佢起身啦，係你先叫得佢郁架咋。」





「喂……」想說外婆太多事時，Tinny 已經搶先回應：「遵命！」

「放心啦婆婆，我一定會準時叫哥哥起身嘅。」Tinny掛著一個有點奸詐的笑容說。

這下子我心裡竟升起了一陣不祥預感……