七歲嗰年我被學校叫去睇醫生。 【二次修訂版，一路改一路貼】: 「要盒芒果汁。」

放學時，我趁班房走了大半班人，才悠哉地去查看那張分組名單。

我很快找到英文科那一行，補課地點是503室，負責老師是雷sir ，全班被分成4個小組，我是c組。

我順道瞥一瞥除了我之外的兩個名字，隨即在心裡發出「吓」的一聲。

這分組……好歹給我來個男的啊……這下子我肯定更加說不出話。

我垂頭喪氣地走到小食部，想買一包芒果汁才回家，怎料梁成樂也在排隊買燒賣。





「要咩呀？幫你買埋？」他知道我不說話，有時會自動請纓幫我買。

「唔使。」我一口拒絕，如果連這程度也不習慣的話，還談甚麼改變？

「OK ，阿姨唔該一袋燒賣！」他朗聲說。

「要咩呀同學仔？」把燒賣遞給梁成樂後，阿姨問我。

「……要盒芒果汁。」





「咩話？」阿姨明顯聽不到。

於是我嘗試提高聲量：「……一盒芒果汁。」

「哦！芒果汁！下次大聲啲吖嘛！咁細聲阿姨聽唔到架細佬！」

我接過芒果汁，暗地裡鬆了口氣。

「喂，陪我食埋先走啦。」梁成樂把我拉到小食部旁的桌椅說。





「哦。」

他放了一粒燒賣進嘴裡，忽然說道：「係呀，我地下星期又約咗Miss Yip 食飯，不過睇你都唔去架喇。」

他見我沒反應，繼續說：「佢話有機會嘅話介紹個人畀我地識喎。」

他說完，我腦裡立刻閃過那天在西九見到的男生。

「你估吓係邊個？」

「……咩邊個？」

「佢話介紹俾我地識嗰個呀。」

「……點知。」





「佢仲話我地遲啲會成日見到嗰個人。」

吓？

「唔通係新嚟嘅老師？」梁成樂把我的想法說了出來。

「唔知。」

「唉，幾時放假呀？係喎，下星期班際喎，又係時候練吓波……」梁成樂若無其事地轉變了話題，我卻一直在意Miss Yip 說的到底是誰人。