當平行線斜了一度: 第九十四回 －出身－

九十四

「恭喜發財，你就係阿程，第一次見，黎，利利事事」Janice 媽說。

然後我就向Janice 媽和公公拜了個年，然後逗得這年第一封利事，同樣也是今年唯一會逗到利事的機會。

問了我們去旅行和寒暄一番後，Janice 媽開始問我的背景。

「阿程你係邊度住架香港。」



「荃灣呀。」我戰戰兢兢的答。

「啊係呀，愉景？麗城？綠楊？定係西站個邊個埋？」Janice 媽又問道。



「唔係呀，近大窩口既。」我繼續回答她。

「哦，因為我個時想係荃灣買幾個單位，不過最後我老公話想住港島，最後搞搞下就係太古。」



「哈哈」我只好尷尬的裝笑。

「你黎左英國幾耐？」她又問我。

「半年啦。」

「咁短咋？以為你同Janice 係都係中學冇耐就黎呢度長大先識到佢。」

「係呀，都係Yuki 介紹我地識，哈哈。」我繼績尷尬的回答。



「咁你都係同Yuki佢都係讀新聞？」她追問到。

「係呀，哈哈。」

「讀新聞第時諗住做咩呀？呢行行頭都唔係太大，由其係香港。」她問我。

「都係呀，我仲諗緊。」



「噢，咁又係既，呢行選擇唔多，係要諗下架啦。」她補充。

其實談吐間，我覺得太不喜歡我，由其是我的背境和出身，完全是天和地的差距。





用餐其間，她們大多都是說她們家的事，我真的插不到太多的話題。

而去到最後，付錢的時候，我感覺我可能要付錢，所以下意識都把銀包取出來。



心想的是，三百多鎊又可以多去一次旅行了。

然後，Janice 媽就說了一句。

「我比啦程，你學生邊有咁多錢比，就當Auntie 請你食一餐。」

心裡雖然鬆了一口氣，但同時更加覺得她是看不起我的。