一零八

「難得準時喎。」我隨意的找個開場白去蓋過自己的尷尬。

「你都係,睇下食咩野先啦。」她笑著回答。

「咁耐冇黎,都係照舊先。」我回答。

我這年來,想了無數次見到她時想跟她說的話,但去到這一刻終於可以單獨看見她了,卻偏偏說不出半句話。





「最近點?」她首先的打破沉默。

我輕輕的說過這年的事,那當然沒有提起Janice 的事,只有說起我這年的日常鎖碎事。

「咁你幾時番去?」她又問我。

因為我這次回來,主要是為了我的畢業作品,所以其實只有個多月在香港。



「咁之後呢? 你以前唔係話好想係外國住既咩?」她又問我。

「睇下之後點啦,我番緊個間intern 好可能可以offer到比我,再唔係先再番香港啦。」

「咁都幾好呀。」她輕輕的回答我。

「咁你呢?」為了不想讓沉默再佔據我和她之間,我問道。

「都係咁啦,呢行都係唔太岩我,我下年會full time 都番張PGDE,睇下轉唔轉到做老師。」



又寒暄了幾句,食物又送上了,於是我們一邊吃,一邊講,就像以前一樣,但不同的事,我們卻回不到以前那樣有說有笑,雖然氣氛都是輕鬆的,但卻帶幾分尷尬。



用過頭盤,吃過主菜,再到甜點,但耐何這頓飯的真正主菜我還沒有帶出。



那就是她現在的感情狀況,特別是立嘉的事。

我偏偏卻不知要如何說起這件事,由其不想把這個氣氛變得這麼尷尬。

「呢年有冇經歷到咩野? 你知你成日都大唔透咁。」她又說起。

「都係咁啦,始終自己一個生活,好多野都要自己管理,係學到小小野既咁一定。」我回答她。



「自己一個姐咩你?」