《醜小鴨》: 初戀

喺上到初中之後，同班新同學熟落晒之後就過上新生活。

中三

今日係學校嘅繽紛同樂日，喺班會嘅提議同班主任嘅促成下，居然一級4班都一齊去X田園BBQ，喺自由揀位後，我同由中一到依加都好FD嘅新死黨一齊B，喺B完之後，我就獨自去魚池邊睇魚。

正當睇睇吓金魚同鯉魚之際，一個唔知邊班嘅女同學行過嚟，初時以為佢都係嚟睇魚，望佢一吓就將焦點放喺魚池度。當我哋睇魚睇睇吓，「係呢，我係B班嘅游思穎。」當見到佢自介完後嘅微笑，我感到戀愛了。而我亦自介「你好，我係D班嘅黃思恆。」，雖然命運同緣分令我哋喺魚池邊相聚，但之後嘅日子，咩事都冇發生，而且我亦冇再經常回想佢嘅微笑。

直到聖誕聯歡之後，當我行經到距離學校20米嘅公園，卻被人接放學。原來係睇魚女孩，喺喧寒問暖後，佢隨即向我表白，而我亦都接受咗，喺聖誕假期間，我同佢都不時做一D情侶會做嘅事，更上埋佢屋企啪，我亦從啪完之後深深咁愛住佢。「學生哥，好溫書囉，咪成日掛住拍拖，肥佬咗，冇陰公囉，亦愛莫能助。」，正如歌神SUM LUI唱嘅，拍拖真係會影響成績，SHIT。但係我仍然專注同思穎一齊過住快活嘅時光。



「鈴鈴鈴鈴鈴鈴鈴鈴…」，老母喺接過電話後，就同我哋講，話表姨媽佢哋都搬嚟沙田住。話說我哋屋企同表姨媽屋企，除咗老嘢經常煲粥外，我哋做細嘅卻冇咩交流過，我哋3兄妹同佢哋家嘅3姊弟只有喺拜年同中秋嘅時候先會互相祝賀身體健康同學業進步。雖然我哋住得近，但我卻經常葡萄佢哋，因為佢哋係住第一城，而我只係個住喺南部嘅屋邨仔，而且佢哋有部趴時麻電視，我哋卻只有部冇高清台睇嘅大牛龜。但我卻經常被表姨丈喺我去完沙圖咪書，帶返佢屋企同佢全家食飯，而我就有機會睇高清台同比大牛龜清晰好撚多嘅Pretty Cure。